Hræsni páfagarðs

Manni hlýnar alltaf um hjartaræturnar þegar páfagarður boðar bætt siðferði öðrum til handa.

Páfagarður hefur fram að þessu ekki séð ástæðu til yfirlýsinga um líferni og frjálslynt háttalag Berlusconi þótt það hafi verði daglegur fréttamatur.

En þegar frú Berlusconi gagnrýnir hátterni bóndans opinberlega þá vaknar Vatikanið og leggur áherslu á að sýnd sé meiri nærgætni og meira tillit tekið til friðhelgi einkalífsins og allir verði að haga sér af yfirvegun og alvöru!

Hjá kirkjunni eru eðlilega sumir töluvert jafnari en aðrir.

Undanfarin ár hefur því miður ekki verið skortur á miður fallegum dæmum um  mannlega harmleiki þar sem starfsmenn kaþólsku kirkjunnar hafa níðst á sóknarbörnunum.

Brást kirkjan við þeim málum af yfirvegun, alvöru og ábyrgð?

Nei, undantekningarlítið var boðskapurinn lagður til hliðar og öllu til tjaldað að kveða niður og fela óþverrann, meðan stætt var.

Það var að sjálfsögðu aðeins gert til að vernda friðhelgi og einkalíf fórnarlambanna!  

 

Páfagarður gagnrýnir Berlusconi

Athugasemdir

[corvus corax, 6.5.2009 kl. 12:50]

Hvað eru helvítis pervertarnir í páfagarði að vilja upp á dekk? Kaþólska kirkjan er fyrirtæki sem snýst um peninga og pervertisma í skjóli trúarbragða. Svei þeim!

[Mofi, 6.5.2009 kl. 13:25]

Góð grein, þetta er auðvitað frekar ógeðfeld hræsni.  Kannski varpa auðævi Berlusconi einhverju ljósi á viðbrögð páfagarðs...

[DoctorE (IP-tala skráð) 6.5.2009 kl. 13:42]

Vatíkanið/Kaþólska kirkjan aka þeir sem sömdu biblíu.

Já Mofi, þú ert faktískt kaþólikki, þeir sömdu bókina þína :)