Er Mogginn aftur orðinn skítlegt flokksblað?

Morgunblaðið kastaði sprengju út í samfélagið í dag. Þar var fullyrt á forsíðu að þrátt fyrir að báðir stjórnarflokkarnir hefðu haft svonefnda fyrningarleið á stefnuskrá sinni ætluðu þeir ekki að ráðast í róttækar breytingar á fiskveiðistjórnunarkerfinu. Þetta var samkvæmt traustum heimildum að sögn blaðsins.

Jóhanna Sigurðardóttir hefur borið þessa Morgunblaðs „frétt“ til baka. Enda stenst það ekki skoðun að  nánast samhljóða kosningamál flokkana verði ekki í stjórnarsáttmála og fórnað fyrir ekkert.

  

Nú er spurningin, hvað gekk Mogganum til með þessari  „traustu“ falsfrétt?  Er Mogginn að kasta grímunni og gerast skítlegt flokksblað á ný?  Verða fréttir framvegis skrifaðar með hagsmuni FLOKKSINS að leiðarljósi, fyrst og fremst?

Er milljarðaniðurfelling skulda blaðsins þá beinn styrkur til Sjálfstæðisflokksins þegar allt kemur til alls?

Er Mogginn vísvitandi að kynda undir þeim óróa sem er í þjóðfélaginu, er hann að klappa upp í nýja búsáhaldabyltingu?

Mig minnir sterklega að blaðið hafi ekki verið ýkja hrifið af þannig uppákomum til þessa.

  

Fyrningarleið víst farin

Athugasemdir

[Valsól (IP-tala skráð) 6.5.2009 kl. 20:21]

Sammála,Sammála,Sammála,Sammála,Sammála!

[Jón Ingi Cæsarsson, 6.5.2009 kl. 20:26]

Að Agnes Bragadóttir sé blaðamaður þarna segir okkur öllum að flokkshagsmunir ráða för á þessu blaði að verulegu leiti.

[Níels A. Ársælsson., 6.5.2009 kl. 20:32]

Mogginn hefur alltaf verið skítlegt málgagn Sjálfstæðisflokksins og LÍÚ.

Þorsteinn Már Baldvinnsson einn hættulegasti glæpamaður landsins stjórnaði fréttafluttningi dagsins af fyrningarleiðinni í Morgunnblaðinu í dag.

[Axel Jóhann Hallgrímsson, 6.5.2009 kl. 20:35]

Það vantar aðeins að atvinnulausi uppistandarinn sem tróð upp á  flokksþingi Sjálfstæðisflokksins verði gerður að ritstjóra blaðsins til að fullkomna myndina.

[Finnur Bárðarson, 6.5.2009 kl. 21:42]

Óskar sjálfur er farinn að skrifa gott ef hann er ekki búinn að reka ritstjórann

[Karl V. Matthíasson, 6.5.2009 kl. 21:58]

Hver á Moggann?

[Axel Jóhann Hallgrímsson, 6.5.2009 kl. 22:19]

Þegar litið er á það pólitíska skrið sem komið er á Moggann við brotthvarf Styrmis, þá verður skiljanlegt af hverju Davíð sótti það hart á sínum tíma að Landsbankinn gjaldfelldi skuldir Styrmis við bankann og kæmi honum í þrot.

Agnes fer mikinn um ritvöllinn, eins og kvíga að vori með afturendann upp í loftið, frelsinu fegin eftir innilokun fyrri ritstjórnarstefnu.

Hver á Moggann? Það er góð spurning, Karl.