Ragnar heim í hægindin?

Ég verð að viðurkenna,  þótt ég finni til sterkrar samkenndar með ættingjum Ragnars yfir þeirri kvöl og angist sem þau líða, að vita af honum í Brasilísku fangelsi, þá vorkenni ég honum sjálfum minna en ekki neitt.

Að venju er byrjað er að kyrja gamla sönginn þegar Íslendingur hafnar í erlendu fangelsi, sem ekki þykir fylla væntingar landans um þægindi.  

Í öllu höfum við Íslendingar talið okkur mesta og besta, líka í glæpamönnum eðlilega. Það þykir því ekki boðlegt að Íslenskir eðalglæpamenn gisti á minna en 5 ***** hægindum.

Það verður því að bjarga honum heim, þessum landsins sóma, sama hvað.

Ragnar bókaði sig sjálfur í þessa gistingu í Brasilíu og hefur fyllilega til hennar unnið. Blessunarlega hafnaði farangur hans hjá lögreglunni þar ytra en ekki í æðum barna okkar og barnabarna hér upp á Íslandi eins og til stóð.  

„Ég á eftir að deyja hérna"

Athugasemdir

[Páll Jónsson, 6.5.2009 kl. 22:07]

Fyllilega til hennar unnið? Tja, það fer eftir því hvernig fangelsi þetta er.

Það er vitanlega gjörsamlega fráleitt ef maðurinn þarf að lifa í stöðugum ótta við nauðganir eða barsmíðar. Það er bókstaflega ekkert sem hægt er að gera hér á jörðu sem réttlætir slíkar refsingar.

Eða til hvers værum við annars að setja stjórnarskrár og samþykkja mannréttindasáttmála? 

[Axel Jóhann Hallgrímsson, 6.5.2009 kl. 22:35]

Páll, af svari þínu að dæma hefur þú hefur blessunarlega ekki upplifað á eigin skinni þær hörmungar, andstyggðarvíti og angist sem aðstendendur eiturlyfjafíkla upplifa.

Þú fyrirgefur, en þeim sem reynt hafa, er ekki ofarlega í huga mannréttindi þeirra óþverra, sem gerðu sér þjáningar þeirra að féþúfu, verði þeim herrum á í messunni.

[Páll Jónsson, 6.5.2009 kl. 23:06]

Nei, ekki nóg.

Ekkert réttlætir slíkar refsingar. 

[Héðinn Björnsson, 7.5.2009 kl. 03:02]

Ég vil nú halda mig við þá skoðun að allir eigi að hafa mannréttindi sama hvaða glæp þeir hafa framið og að íslensk stjórnvöld eigi að berjast fyrir því að mannréttindi þegna þeirra erlendis séu virt.

En við skulum bara vera sammála um að vera ósammála um það. 

[Guðmundur St Ragnarsson, 7.5.2009 kl. 07:35]

En ef þetta væri náinn frændi þinn Axel? Myndir þú skrifa þennan pistil. Drengurinn á vini og ættingja. Nærgát skal höfð í nærveru sálar. Það hlýtur þú að hafa lært fyrir norðan?

[Þór Ólafsson, 7.5.2009 kl. 09:54]

"Þú fyrirgefur, en þeim sem reynt hafa, er ekki ofarlega í huga mannréttindi þeirra óþverra, sem gerðu sér þjáningar þeirra að féþúfu, verði þeim herrum á í messunni."

Þú getur treyst á að það eru menn hér á íslandi sem ætluðu að gera sér þjáningu Ragnars að féþúfu. Það eina sem Ragnar hefði hagnast á að smygla þessu dópi til landsins er hugsanlega friður frá dópbarónum landsins sem þvinguðu hann í þessa ferð. Beindu reiði þinni gegn þeim, ekki Ragnari. Þessi burðardýr eru ekkert annað en vessi úr svöðusári, það þýðir ekki að blóta vessanum í sand og ösku og gera ekkert til að loka sárinu.....

[Axel Jóhann Hallgrímsson, 7.5.2009 kl. 12:01]

Takk fyrir innlitin og álitsgjöf, Héðinn, Guðmundur og Þór.

Ég byrjaði þennan pistil minn á að segja að ég hefði samúð með ættingjum Ragnars en ekki honum.

Eiga þjáningar ættingja sakbornings að fara að hafa eitthvert vægi þegar refsing þess dæmda er ákvörðuð?  En þjáningar fórnarlambanna og ættingja þeirra, á að skilja þær eftir út á túni?

Raunar hefur það verið þannig, sérstaklega í grófum líkamsárása- og nauðgunarmálum að dómstólar virðast frekar hafa samúð með gerandanum en þolandanum sé ályktun dregin af ótrúlega vægum dómunum. 

Sama hefur mér fundist með almenning oft á tíðum, það þyki "fínt" að taka stöðu með afbrotamönnum af misskyldri "mannúð". Það gengur þokkalega meðan ekki brennur á eigin skinni. Svo er það gert tabú að hafa ekki fullan skilning á málinu.

Ég hugsa ef einhver ættingi minn væri staðinn að því að flytja inn eiturlyf í börnin og barnabörnin, myndi ég "dæma" hann harðar en mann sem ég þekki ekki, ef eitthvað væri.

Auðvitað eru það einhverjir barónar sem að innflutninginum standa, þeir sem nást eru yfirleitt peð í taflinu. Meint reiði mín beinist ekki hvað síst að þeim. En þeir voru ekki teknir í Brasilíu, heldur Ragnar.  Það getur ekki komið honum til tekna að hafa ekki lagt til peningana, en það gæti komið til refsilækkunar ef hann upplýsti hver það væri. Á að veita morðingja afslátt ef þriðji aðili leggur til byssuna?

Ef Ragnar verður fluttur heim með 20 ár á bakinu, hvernig verður það útfært þegar hámarksrefsing er 16 ár á Íslandi (að ég held)?

Idol stjarnan Kalli Bjarni var tekinn og dæmdur fyrir innflutning, honum var boðinn afsláttur af refsingu ef hann upplýsti hver fjármagnaði fyrirtækið. Hann hafnaði og hvað gerðist?

Jú hann var verðlaunaður fyrir þetta "framlag" sitt til réttvísinnar með því að heimila honum afplánun í hvítflibbafangelsinu að Kvíabryggju í stað Litla Hrauns! 

Hér er á ferðinni greinileg mismunun og voru þá ekki brotin "mannréttindi" á brotabræðrum Kalla, þegar þeim er gert að sitja á Hrauninu meðan Kalli unir sér fyrir vestan?

[Axel Jóhann Hallgrímsson, 7.5.2009 kl. 12:14]

Einar Ingvi takk fyrir innlitið og undirtektir.

Ég vona innilega að það mál sem þú tilgreinir færist til betri vegar. Ég deili með þér þjáningum og angist. Fjölskylda þín á samúð mína óskipta.

[Einhver Ágúst, 8.5.2009 kl. 01:53]

SAnnkristnir refsarar? Það er hressandi hugmynd og skrítin þarsem kristin trú snýst um fyrirgefninguna, en Einar er eitthvað að misskilja þetta greinilega.

Maður segist ekki hafa samúð með fóki og óskar svo börnunm þeirra misþyrminga og nauðgunar og jafnvel dauða, það bara getur ekki stemmt!

Ég horfi á þenna heim alla daga en óska engum að kveljast í þessum helvítum á jörð sem brasilísk fangelsi eru, ég þekki yfirleitt vikulega, allaveganna mánaðarlega menn og konur hér sem deyja úr ofneyslu áfengis og fíkniefna en óska samt engum að vera læstur inni án mannréttinda sem teljast almenn í þessu landi sem þegn.

Hann átti ekkert val....og 1,7 milljónir sem var niðurfelling á skuld eða misþyrmingar frá steraboltum í gluggalausum pyntingarklefum....hvað hefðuð þið gert? Hetjurnar ykkar?

[Páll Jónsson, 8.5.2009 kl. 09:42]

Heh, maður segir eins og Gandhi bara:

“I like your Christ, I do not like your Christians. Your Christians are so unlike your Christ.”

[Axel Jóhann Hallgrímsson, 8.5.2009 kl. 10:30]

Ágúst, ég næ ekki hvað þú meinar með þessari "sannkristnu" tilvitnun. Hvorki ég né álitsgjafar nefna kristni eða trú einu orði.

"Maður segist ekki hafa samúð með fólki og óskar svo börnunum þeirra misþyrminga og nauðgunar og jafnvel dauða, það bara getur ekki stemmt!"

Ég óskaði Ragnari ekki þess sem þú gefur í skyn Ágúst. Það er ekki "sannkristið" að ljúga. Ég sagðist hafa samúð með ættingjum hans, þótt ég vorkenndi honum ekki.

Þú segir það ekki ganga upp að hafa samúð með einhverjum en mislíka við  bróður hans. Hvernig er það með þig Ágúst, mislíki þér gjörðir einhvers, leggur þú þá fæð á alla hans ættingja, þótt þeir hafi ekkert til saka unnið? Er það sannkristið? Ef svo er þá þakka ég fyrir að aðhyllast ekki þá hugmyndafræði.

Ertu að segja af því að einhver hefur til þess aðstöðu að kúga vesalinga þá eigi það svo að vera og verði ekki breytt. Það megi síðan nota sem afsökun fyrir misgjörðum niður allan stigann?

[Axel Jóhann Hallgrímsson, 8.5.2009 kl. 10:37]

Góður punktur, Páll. Gandhi var stórmenni, einn af risum mannkynssögunar.

[Einhver Ágúst, 8.5.2009 kl. 10:58]

Góður Páll! Ghandi var maðurinn, svona menn koma reglulega fram og við skjótum þá eða krossfestum það er nú leiðindavesen. 

Ég var ekkert að kalla þig sannkristinn Axel enn margir sem hafa blandað sér í þessa umræðu hafa lýst hatri á samkynhneigð einsog það hafi eitthvað með málið að gera, nafnlausar bleyður sem koma fram mem mikinn ósóma á minni síðu jafnt sem þinni, þessir aðilar bera þess merki að vera þröngsýnir og grimmir dómarar sem oft missklija boðskap blessaðs Krists.

Ég er ekki að réttlæta neitt bara að benda á að Ragnar sem margir aðrir fíklar hafa lítið um líf sitt að segja og gera bara aþð sem kvalarar þeirra segja, ef ekki við aðvörun munnlega þá með handarbroti eða öðrum pyntingum.

Axel ég heyri alveg hvað þú ert að segja og afsakaðu að mér hitnaði í hamsi, ég stendí endalausum skrifum útaf þessu máli og það er vægast sagt óprúttið fólk inná milli sem vill svala refsifýsn sinni, þú ert ein af skynsamlegu röddunum en vilt samt leyfa manneskju að rotna í þessu helvíti sem Brasilísk fangelsi eru, sildið einsog að setja bankagjaldkera í fangelsi fyrir bankahrunið. Þess vegna langaði mig aðeins að reyna að hafa áhrif á þig með mínum sjónarmiðum, það ver ekkert ætlun mín að særa þig og ef svo var þá biðst ég innilega afsökunar.

Svo vil ég benda ykkur á bókina When bad christians happen to good people, virkilega skemmtileg lesning um þetta málefni sem Páll nefnir.

[Axel Jóhann Hallgrímsson, 8.5.2009 kl. 12:12]

Ágúst, þú þarft ekki að biðjast afsökunar, þú varst hvorki með rætið eða illt málfar,  aðeins heilbrigðan skoðanaágreining.

En hver er reynslan af fyrri krossferðum í þessum málum? Hverju skilaði t.d. heilög vandlæting okkar á aðbúnaði "Malaga fangans" fjársöfnun og heimkomu hans? Hverju hefur hann skilað inn í samfélagið eftir heimkomuna? 

Ágúst ég er alveg sammála þér að skrif mörg hver gegn þeim sem bera hag Ragnars fyrir brjósti eru með ólíkindum, lítt ígrunduð, rætið málfar og formælingar og yfirleitt nafnlaust. Ég skrifa ekki undir þannig málflutning þótt ég kunni að vera sammála inntakinu.

Það ætti að vera ófrávíkjanlegt skilyrði fyrir framsalskröfu Íslenskra stjórnvalda fyrir framsali Ragnars að hann upplýsi hverjir sendu hann "nauðugan" í þessa för,  þá kæmi í ljós hve djúpt iðrun hans ristir. Þá væri ég sáttur við heimkomu hans og yndi glaður við verulegan afslátt á gerðri refsingu hans.

Eins og ég bendi á í áliti 7 um Kalla Bjarna þá fellur ekki saman orð og gjörð stjórnvalda.