Hvernig er þessum málum háttað hér á landi, sukkar þingið?

Bretland logar nú stafna á milli yfir fjármálaspillingu þingmanna. Einu virðist gilda hvar í flokki menn standa, margir virðast hafa af kappi skarað eld að eigin köku. Engu er líkara en um keppni hafi verið að ræða.

Hvernig er þessum málum háttað hér á landi? Hvað er greitt hér á landi fyrir þingmenn og ráðherra umfram þingfarar- og ráðherrakaupið?  

Eru greiddir reikningar athugasemdalaust fyrir ýmiskonar útgjöldum sem tengja má þingveru þingmanna?

 Hver man ekki eftir 6 milljóna gullsalerninu, sem var hannað fyrir  Sólveigu Pétursdóttur svo hún þyrfti ekki að setja ráðherrarassinn sinn á sömu setu og aðrir starfsmenn ráðuneytisins.

Hve víða viðgengst svoleiðis bull?

Svör óskast. 

Lét skattgreiðendur borga andakofa

Athugasemdir

[Finnur Bárðarson, 21.5.2009 kl. 16:09]

Þingmenn úr öllum flokkum stofna nefnd, sem finnur ekkert óeðlilegt, engin spilling hér. Málinu lokið.

[Björn Hróarsson (IP-tala skráð) 21.5.2009 kl. 17:15]

Sama Nonsensið hér heima, ekki síst í: "Í kartölfugörðunum heima...."

Það er enginn munur á kúk og skít ... kantsteinum eða jarðvegsdúkum.

[J.þ.A (IP-tala skráð) 21.5.2009 kl. 17:52]

Bíddu, ég hef ekkert heyrt um þetta klósett.  viltu segja mér frá því hvar er það staðsett? Ég hef búið í útlandinu og er þessvegna eins og álfur út úr hól.

[Gulli (IP-tala skráð) 21.5.2009 kl. 18:36]

J.þ.A, væri ekki nær að segja að þú værir alveg úti að skíta? 

[Axel Jóhann Hallgrímsson, 22.5.2009 kl. 11:08]

Sennilega rétt hjá þér Finnur.

J.Þ.A. Frú Sólveig var dóms og kirkjumálaráðherra 1999 til 2003. Fljótlega eftir að hún kom í ráðuneytið kom í ljós að frúin var fjarri því sátt við að nota sömu salernisaðstöðu og óbreyttir starfsmenn.

Því var ráðist í kostnaðarsamar breytingar svo hægt væri að útbúa aðra salernisaðstöðu m. öllu til einkanota fyrir ráðherrarassinn. Þessar 6 millur eru á verðlagi þess tíma.

[J.þ.A (IP-tala skráð) 26.5.2009 kl. 18:25]

síðbúnar þakklætiskveðjur fyrir greinargott svar.  Ég hef nú alltaf reynt að fylgjast með fréttum frá Íslandi. Fyrr á árum var það stopulla eins og t.d. þessi  fína klósettsaga.  Sem segir okkur líka hvað hrokinn getur afvegaleitt fólk.  Það hefði verið fínt að eiga þessar millur núna framreiknaðar.