Landsstjóri Kanada fær sér í svanginn

Það er erfitt að átta sig á hvort höfundi fréttarinnar þyki hryllilegra, að Michaelle Jean landsstjóri Kanada,  hafi étið hrátt selkjöt eða storkað Bretadrottningu, umbjóðanda landstjórans.

Er það ekki eðlilegasti hluti í heimi að landstjóri Kanada standi með sínu fólki og taki þátt í lífi þess og gerðum?  

Sumt fólk getur „eðlilega“ ekki skilið hvers vegna sumir leggja sig niður við veiðar á dýrum og át á þeim þegar hægt er að kaupa kjöt og fisk út í búð. Það eitt er nógu villimannlegt svo ekki sé talað um að éta hrátt kjöt, svo ekki sé talað um hjartað ...... og það hrátt. Ooooojojyhh!

Ég hef aldrei skilið af hverju Kanadamenn hanga enn á afdönkuðu Bresku kóngafólki sem þjóðhöfðingja. Bandaríkjamenn áttuðu sig á fáránleika þess 1776.

 

 

Landsstjóri Kanada át hrátt selshjarta

Athugasemdir

[Finnur Bárðarson, 27.5.2009 kl. 17:30]

Það er bara ekki hægt að komentera á svona nokkuð. Maður les þetta aftur og aftur og er engu nær, ég er að meina úrkippuna

[Axel Jóhann Hallgrímsson, 27.5.2009 kl. 18:21]

Er þetta ekki einmitt hugmyndafáfræðin sem öfganáttúruvernd hverskonar er gerð út á?

[Finnur Bárðarson, 27.5.2009 kl. 20:17]

Já þetta er öfganáttúra eins og þú segir Axel, en það er sama hvað við segjum svona verður þetta. Ætlum vi að vera með aða á móti. Held að það sé best að við séum með þó það huggnist okkur ekki.

[Davíð Gíslason (IP-tala skráð) 27.5.2009 kl. 23:21]

Ótrúleg úrklippa en sennilega sönn, hefurðu hvaðan þessi úrklippa kemur. Sýnir svo vel hversu fólk er orðið gjörsamlega náttúrulaust.

[Húnbogi Valsson (IP-tala skráð) 28.5.2009 kl. 00:12]

Einu sinni var unglingsstúlka að drekka mjólk og ég fór að segja henni að þetta væri kúamjólk og útskýrði síðan hvaðan mjólkin var fengin. Stúlkan hætti að drekka og kúgaðist. Hún viðurkenndi að hafa haldið að mjólkin yrði til í mjólkurstöðinni. Það kannast eflaust fleiri við svona lýsingu.

Þessir svokölluðu dýravinir eru ekki náttúruverndarfólk!

[Axel Jóhann Hallgrímsson, 28.5.2009 kl. 09:55]

Davíð, ég veit ekki hvaðan þessi klippa er ættuð, fann hana á netinu.

[Axel Jóhann Hallgrímsson, 28.5.2009 kl. 09:58]

Húnbogi, þetta er skemmtileg saga og lýsir málinu vel. Þessi hugmyndafræði er farin að skjóta uppi kollinum hér á landi, þótt ekki sé það í sama mæli og erlendis.

Þetta virðist gerast þegar fólk missir bein tengsl við náttúruna.