Ég biðst afsökunar.

Ég hef í huganum beðið Ástu Ragnheiði Jóhannesdóttur afsökunar á að halda að hún myndi ekki valda embætti forseta Alþingis.

Hún sýndi í dag, þegar hún vísaði ruddalegum formanni Framsóknarflokksins, úr ræðustól að hún hefur bein í nefinu og hefur fulla burði til embættisins. 

Stjörnuhrap Sigmundar Davíðs hefur á stuttum tíma verið þvílíkt að fá dæmi eru um hliðstæðu þess.

Sigmundur hefur með undraverðum hraða breyst úr ungum glæsilegum, nýjum formanni Framsóknarflokksins, sem giska margir leyfðu sér að binda nokkrar vonir við, í agalausan og  leiðinlegan lýðsskrumara, sem ekki þekkir sín takmörk. 

Sigmundur glotti þegar hann hrökklaðist úr ræðustól, glotti fíflsins.

Framsóknarmenn margir hverjir eru örugglega farnir að sakna gáska og galsa Halldórs Ásgrímssonar.

.

  

Óásættanleg framkoma forsetans

Athugasemdir

[Guðrún Jónsdóttir (IP-tala skráð) 17.6.2009 kl. 02:52]

Ég spyr?

Hvað er í gangi hjá ykkur samfylk, mönnum.?  Af hverju má ekki spyrja hvað heilög Jóhanna sé að sísla, sérstaklega þar sem hún virðist vera að missa móðinn og veit ekki í hvern fótin hún á að stíga? 

[Axel Jóhann Hallgrímsson, 17.6.2009 kl. 03:15]

Guðrún, þetta snérist ekki um að Sigmundur ekki mætti segja álit sitt á Jóhönnu eða öðru sem angrar hann, þetta snérist um að hann kvaddi sér hljóðs undir fölsku yfirskini. Hann kom upp í ræðustól undir liðnum"fundarstjórn forseta" en talaði um allt annað og byrjaði að lesa upp úr dagblaði.

Þetta er álíka og hann hefði í umræðu um fjárlög ætlað að tala um friðun fugla. Það hefði líka verið stoppað.

Guðrún, þó ég sé krati þá er ég ekki endilega sannfærður Samfylkingarmaður, böndin trosnuðu verulega þegar Ingibjörg skreið upp í bólið til Geirs.

En eitt er þó á hreinu, ég er giska kátur með að bera ekki ábyrgð á veru Sigmundar Davíðs á Alþingi.

[Þorri Almennings Forni Loftski, 17.6.2009 kl. 04:26]

Ekki má skyggja á snilld og fauskshátt Sigmundar Davíðs hins genetíska Framsóknarmanns. En Ásta Ragnheiður er nú gömul Framsóknarfrekja. Nú uppfull af ofstæki forsjárhyggjunnar. Hún á eftir að afhjúpa vanhæfni sína enn frekar í því nýja grínhlutverki sem hún veldur ekki.

[Þórdís Bára Hannesdóttir, 17.6.2009 kl. 13:58]

Sem talað úr mínu hjarta.

[Finnur Bárðarson, 18.6.2009 kl. 14:45]

Ég batt vonir við hann í byrjun. Talaði hægt og yfirvegað, en nú getur hann ekki lengur hamið sinn innri mann.