Reiknaði einhver með öðru?

Kemur það á óvart að ríkisstjórn, sem þarf nauðug en af fullri ábyrgð að standa að einhverjum óvinsælustu aðgerðum Íslandssögunnar, skuli tapa fylgi?

Þessar aðgerðir, sem eru hreint ekki  til vinsælda fallnar,  eru framkvæmdar til endurreisnar landi og þjóð, eftir fjármálalega Bjarmalandsför  Íhalds  og Framsóknar.  Það virðist gleymt!

Fylgisaukning Framsóknar væri undrunarefni ef sagan sýndi ekki að við erfiðar og krappar aðstæður fiskar lýðsskrum einna best.

 

Fylgi stjórnarflokkanna minnkar

Athugasemdir

[Karl Jónsson (IP-tala skráð) 1.7.2009 kl. 20:49]

Kjósendur voru búnir að gleyma því þegar vinstri flokkarnir komu landinu á kaldan klaka hér í denn. Merkilegur rembingur hjá vinstri mönnum að reyna að halda framsókn og sjálfstæðisflokknum í ævilangri útlegð. Þessir flokkar hafa tekið til hjá sér og eiga skilið annað tækifæri eins og allir aðrir.

[Axel Jóhann Hallgrímsson, 1.7.2009 kl. 21:19]

Karl, ævilöng útlegð? Það eru ekki nema rétt 5 mánuðir síðan Sjálfstæðisflokkurinn var síðast í stjórn, ekki löng ævi það.

Er það tiltekt að varaformaður Sjálfstæðisflokksins, endurkjörin á síðasta landsfundi, var og er á kafi í fjármálasukki og sóðaskap upp fyrir haus? Fín tiltekt það.

[Karl Jónsson (IP-tala skráð) 1.7.2009 kl. 21:27]

Þú sérð nú bara hverju fimm mánuðir án Sjálfstæðisflokksins hafa skilað þjóðinni. Bjargvættirnir ráðalausir og lausnin að skatta þjóðina út úr vandræðunum.

Ég myndi nú fara varlega í að saka fólk um fjármálasukk þótt einhverjir nákomnir þeim hafi tekið "góðu" tilboði frá yfirmönnum sínum.

Ertu að segja að þú sért svo heilagur að þú hefðir sagt nei ef þú hefðir verið í sporum Kristjáns? Ef þér hefðu verið boðnar 800 milljónir til að kaupa hlutabréf í bankanum og nánast ómögulegt að tapa á því? Fólk sem segist myndu hafa hafnað slíku boði er hræsnarar.

Eða eins og Vilhjálmur Bjarnason sagði, fólk hefur ekkert á móti spillingunni ef það fær hluta af kökunni sjálft.  

[Axel Jóhann Hallgrímsson, 1.7.2009 kl. 21:45]

Þú ert sem sagt einn þeirra þriggja Íslendinga sem telja að hægt sé að komast frá afleiðingum af sukki sl. 18 ára án þess að skerða lífskjör? 

Ég veit ekki hvernig ég myndi bregðast við ef ég stæði frammi fyrir tilboði upp á 800 milljónir, hef aldrei gert það og get því ekkert um það fullyrt. En hitt veit ég að í sporum Þorgerðar hefði ég hefði séð sóma minn í því að segja af mér strax í haust þegar ljóst varð hvernig í pottinn var búið.

En hún gerði það ekki, bauð sig fram aftur, var kosin þótt öllum á flokksþinginu væri ljóst hvernig um hnútana var búið og þú kallar það tiltekt.

[Karl Jónsson (IP-tala skráð) 1.7.2009 kl. 21:56]

Hvaða öllum var ljóst hvernig um hnútana var búið? Var lánabók Kaupþings dreift á landsfundinum? 

Ég held að allir geri sér grein fyrir því að lífskjörin skerðist eftir IceSave sukk landsbankans síðustu ár. Áherslur vinstri og hægri kristallast í því hvernig menn vilja mæta vandanum. Vinstri menn vilja skattleggja allt til andskotans en hægri menn vilja ná meiri skatttekjum með lægri skattprósentu og örva kerfið frekar en að fyrsta það.

[Ingibjörg Axelma Axelsdóttir, 2.7.2009 kl. 00:30]

"Ég held að allir geri sér grein fyrir því að lífskjörin skerðist eftir IceSave sukk landsbankans síðustu ár. Áherslur vinstri og hægri kristallast í því hvernig menn vilja mæta vandanum. Vinstri menn vilja skattleggja allt til andskotans en hægri menn vilja ná meiri skatttekjum með lægri skattprósentu og örva kerfið frekar en að fyrsta það."

Þú segir nokkuð? Og talar um hræsnara. Elsku besti, líttu í eigin barm áður en þú hendir slíkum orðum fram.

Ég hef aldrei verið mikill aðdánandi Vinstri Grænna, ef ég á að segja eins og er. En ég ber mikla virðingu fyrir þeim fyrir að hafa komið hreint fram í seinustu kosningum, og boðað skattahækkanir.

Þú gerir þér kannski ekki grein fyrir sveiflunni, en það skiptir ekki máli hver hefði verið við stjórntaumana. Skattahækkanir eru nauðsynlegar. Hver maður með einhverja heilastarfsemi hlýtur að geta áttað sig á því, og er ég því alveg viss að ef að Sjálfstæðismenn væru við stjórn ennþá og boðuðu skattahækkanir, myndir þú hoppa hæð þína af kæti yfir hversu miklir fjármálasnillingar væru þarna á ferð.

Við erum kannski ekki alls par ánægð með ástandið eins og það er í dag, en við verðum að sætta okkur við það. Og sætta okkur við þær fórnir sem verður að færa til að ná okkur á strik aftur.

Hver maður sem neitar að trúa því að hann þurfi að fórna nokkrum sköpuðum hlut fyrir betri lífskjör, er hræsnari. 

"Þú sérð nú bara hverju fimm mánuðir án Sjálfstæðisflokksins hafa skilað þjóðinni. Bjargvættirnir ráðalausir og lausnin að skatta þjóðina út úr vandræðunum."

Ég ætla að gerast svo brött, að leyfa mér að fullyrða, að ef það hefði ekki verið fyrir vinnubrögð þeirrar ríkisstjórnar sem við höfum haft þau 18 ár á undan þeirri sem við höfum núna, væri hún kannski ekki svo ráðalaus.

Sjálfstæðis- og Framsóknarmenn eru arkitektarnir af ölllu þessu klúðri, og því hræsni að skella sökinni á "bjargvættina" svokallaða.

[Karl Jónsson (IP-tala skráð) 2.7.2009 kl. 09:08]

Ingibjörg, ég ætla ekki að hafa mörg orð um þetta en mikið er þetta orðin útjöskuð og glötuð lumma um arkitektana af "klúðrinu". Hverjir eru þá arkitektarnir af klúðrinu á Bretlandi? Hvaða flokkur hefur verið við völd þar síðustu ár? Sagan segir að niðursveiflur í efnahagslífi skelli á reglulega og skiptir þá engu hvaða flokkar hafa verið við völd.

Svo má líka geta Þess að nokkrar ríkisstjórnir hafa verið við völd síðustu 18 ár. En þú vilt væntanlega meina að allir flokkar fyrir utan sjálfstæðisflokkinn hafi setið valdalausir í ríkisstjórn. Það er gott fyrir þig að geta valið að eigna sjálfstæðisflokknum allt það slæma sem hefur gerst á undanförnum árum en eigna öðrum það góða. Talandi um hræsni.

[Ingibjörg Axelma Axelsdóttir, 2.7.2009 kl. 11:21]

"Hverjir eru þá arkitektarnir af klúðrinu á Bretlandi? Hvaða flokkur hefur verið við völd þar síðustu ár?"

Hvað, viltu meina að það hafi verið Samfylking og það skipti nokkru máli?

Pólitík út í Bretlandi hefur bara ekkert um hvaða flokkur er hér við völd og ætli þú sjáir ekki heimskuna í þessari viðlíkingu sjálfur um leið og þú ýtir á "senda" takkann.

Skiptir engu máli hvoru megin við línuna sá sem var sem klúðraði hinu eða þessu, en það er staðreynd, Karl, að þeir sem voru við völd þegar það klúður sem kom okkur um koll var mótað og sett til framkvæmdar, þá var það gert með blessun og framkvæmdavaldi sem þau höfðu!

Er ég bara að kenna Sjálfstæðismönnum um? Nei. Ég kenni Framsókn um líka.  En þar sem þig langaði endilega að lesa það útúr því sem ég skrifaði, að ég talaði illa um þína heittelskuðu Sjálfstæðismenn, þá hafa þeir verið meirihluti í öllum þeim ríkisstjórnum sem völd hafa haft síðustu 18 ár.

[Karl Jónsson (IP-tala skráð) 2.7.2009 kl. 23:57]

Ég er að benda á að vinstri, hægri, frjálshyggja eða ekki frjálshyggja skiptir ekki máli. Hægri flokkur hér við völd en vinstri flokkar annarsstaðar en sama niðurstaða.

Þú gleymir að telja samfylkinguna með sjálfstæðisflokki og framsókn sem þegar þú telur upp valdaflokka síðustu átján ára. Samfylkingin nú síðast og alþýðuflokkurinn (forveri samfó)  í upphafi valdatímans.

[Ingibjörg Axelma Axelsdóttir, 3.7.2009 kl. 00:04]

Það er alveg rétt hjá þér. Samfylkingin fór í meirihlutastjórn með Sjálfstæðisflokknum í þarsíðustu kosningum, enda misstu þar Samfylkingarmenn mörg stig í mínum bókum.

En þú getur varla farið að nota það sem einhverja afsökun af þeim hamförum sem hægrimenn hafa farið þau 16 ár á undan.

Og miðað við þann tíma sem Sjálfstæðismenn hafa setið við stýrið, myndi ég miklu frekar treysta Samfylkingunni til að setja álagningar og skatta á rétta staði, frekar en xD, þrátt fyrir framhjáhaldið síðustu tvö ár.

Þegar einhver flokkur hefur setið svona lengi við stjórntaumana, líkt og Sjálfstæðisflokkurinn hefur gert (og þetta á við alla flokka, ekki bara hann), þá hættir til að það góða fólk hætti að sjá muninn á sjálfum sér og öllum hinum. Enda sérðu niðurstöðuna. 

Það er mín sannfæring, og ég leyfi mér enn og aftur að fullyrða útfrá þeirri reynslu sem ég hef af Sjálfstæðismönnum, að þeir myndu ekki reyna að snúa útúr þessum vandamálum svo það hentaði sem flestum best, frekar en sér sjálfum.

[Karl Jónsson (IP-tala skráð) 3.7.2009 kl. 00:47]

Sjálfstæðisflokkurinn mun aftur rísa sem breiðfylking ólíkra hópa þjóðfélagsins eins og flokkurinn var. Tími Nýja sjálfstæðisflokksins með gömlu hugsjónirnar er kominn. Stuðningur við flokkinn mun bara aukast héðan í frá. Og það fer í taugarnar á vinstri möum.

[Ingibjörg Axelma Axelsdóttir, 3.7.2009 kl. 10:23]

Fer alls ekkert í taugarnar á mér, gamli minn.

Fólk á auðvitað að fylgja sinni sannfæringu. Hinsvegar það sem fer í taugarnar á mér er þessi algengi skortur hjá Sjálfstæðis og Framsóknarmönnum (þótt þeir síðarnefndu hafa skánað í þessum málum), á getu þeirra til að hugsa út fyrir kassann.

Það sem greinarhöfundur sagði einnig, er að ríkisstjórnin er að taka mjög óvinsælar en nauðsynlegar ákvarðanir og því engin furða að hún missi fylgi. 

Ég vona svo sannarlega að þessar aðgerðir þeirra skili áætluðum árangri, og fólk verður bara að hafa þolinmæði, vegna þess að þú setur ekki niður kartöflur, og ætlast til þess að uppskeran verði tilbúin á morgun. 

Þótt að Sjálfstæðismenn vilja halda því fram að þeir eigi töfrabaunir, þá trúi ég því ekki að þeir gætu eitthvað betur leyst úr þessu. Að mínu mati eru þeir til þess vanhæfir,  er þetta eru jú brunarústirnar þeirra.