Harkan sex.

Þeir eru ekki að tvínóna við hlutina Frakkarnir. Allt eða ekkert skal það vera.

Frakkar hafa alltaf tekið málin föstum tökum og hugsa ætíð stórt í mótmælum og andófi, hafi þeir til þess tilefni. 

Þeir stöðva alla umferð, loka höfnum o.s.f.v.

Nú hóta starfsmenn varahluta- verksmiðju að sprengja hana í loft upp verði ekki orðið við kröfum þeirra. Ég efast ekki um að hugur fylgir máli.

Við hefðum átt að láta þá semja um Icesave fyrir okkur.

.

Sprengja verksmiðju fái þeir ekki starfslokagreiðslu

Athugasemdir

[Heimir Lárusson Fjeldsted, 12.7.2009 kl. 16:33]

"Við hefðum átt að láta þá semja um Icesave fyrir okkur."

Öðruvísi mér áður brá félagi þegar Samfylking og Vg voru öllum öðrum fremri!

[Axel Jóhann Hallgrímsson, 12.7.2009 kl. 17:00]

Icesave er vondur samningur hvernig sem á hann er litið. En kostirnir voru fáir.

Þar sem ég sé enn sæmilega með báðum augum Heimir get ég ekki sett kíkinn fyrir "blinda"augað. Þeir eru ansi margir sem eru blindir þessa dagana - á báðum og algerlega fortíðarlausir.

[Heimir Lárusson Fjeldsted, 12.7.2009 kl. 17:17]

Við neitum að borga, svo einfalt er það. Það var glapræði af yfirvöldum þessara þjóða að hleypa þeim lausum á fjármálamörkuðum sínum og súpi þeir bara seyðið af mistökum sínum. Ekki geri ég það.

[Axel Jóhann Hallgrímsson, 12.7.2009 kl. 19:57]

Er málið alveg svo einfalt Heimir?

[Ingibjörg Axelma Axelsdóttir, 12.7.2009 kl. 20:30]

Það eru margir sem eiga það til að gleyma því, að við Íslendingar erum ekki þeir eini sem sitja í súpunni.

En staðreyndin er þó sú, að þótt að þetta hafi verið handfylli af völdum aðilum sem áttu stóran þátt í því að koma okkur í þetta klandur, að þá er það staðalímynd heillar þjóðar sem situr á hakanum. Þetta bitnar á ALLRI þjóðinni, og þess vegna þurfa ALLIR að leggjast saman á eitt og vinna í því að bæta ástand okkar.

Ef við viljum koma vel útúr þessu öllu saman, þá er það þessi ímynd sem þarf að laga, og sannfæra aðrar þjóðir um að okkur sé treystandi. 

Ég sé ekki hvernig við eigum eftir að ná því markmiði ef við leggjumst öskrandi í gólfi, baðandi út höndum og fótum. Það er þá frekar að við tökum höndum saman, og leggjum í púkkið.

Að henda bara öllum reikningum í ruslið og neita að borga okkar skatta. Hverju skilar það okkur nákvæmnlega, fyrir utan það að grafa okkur lengra ofan í skítinn?

Það eru bara ekki margir möguleikar í boði, og við verðum bara að taka því sem býðst. Ef fólki er eitthvað illa við það og vill, eins og ég sagði, að leggjast öskrandi í gólfið eins og smákrakki, má það fólk bara gefast upp strax og vera óþurfa baggi og lóð einhversstaðar annarsstaðar.

[assa (IP-tala skráð) 12.7.2009 kl. 23:03]

Bitnar á allri þjóðinni!!!  Bitnar það ekki hvort eð er á allri þjóðinni þó við borgum??? Nei þá er nú betra að sleppa því að borga og þola álagið í 3 - 4 ár, í stað þess að fresta vandanum og láta börn og barnabörn um hann. Það sér það hver heilvita maður að eftir þessi 7 ár getum við ekki staðið við neitt og þá verður bretum í lófa lagið að eignast okkur með húr og háði. Þá er nú betra að segja bara strax nei takk. Og ef við erum svona ofsalega hrædd við þessa breta og að þeir útiloki okkur, verður þá ekki bara að hafa það? Við höfum komist af án þeirra fyrr!

[assa (IP-tala skráð) 12.7.2009 kl. 23:07]

Húr og háð átti auðvitað að vera húð og hár

[Ingibjörg Axelma Axelsdóttir, 13.7.2009 kl. 00:01]

Jú, það bitnar á allri þjóðinni.

Ef við borgum ekki, þá erum við ekki að tala um álag í 3-4 ár. Við erum þá að tala um áratugi. Þessar skuldir hverfa ekki nema að þær séu borgaðar.

Ertu svo vitlaus að halda að eftir 7 ár verði enginn peningur í landinu? Hvernig í ósköpunum kemstu þá að þeirri niðurstöðu að fleygja reikningum í ruslafötuna skapi bara 3-4 ár? Þetta er barnalegur hugsunarháttur.

Þessi sjö ár sem talað er um, gefur okkur þá a.m.k. gálgafrest til þess að koma hlutunum í lag. Það eru 7 ár til að koma af stað framkvæmdum, minnka atvinnuleysi, minnka um skuldir landsmanna, og bara hreinlega koma af stað peningaflæði yfir höfuð.

Og þú vilt halda því fram að í staðinn fyrir þetta er betra að borga bara ekki neitt? Elsku dúllan mín, maður þarf ekki að vera með háskólagráðu í stærðfræði til að sjá, að ef þú borgar ekki þína reikninga eru þér allar dyr lokaðar. Þú ferð á svarta lista, það er lokað á hjá þér rafmagnið, sjoppan hættir að leyfa þér að skrifa hjá sér.

Og þetta er það nákvæmnlega sem gerist ef við bítum ekki í þetta súra og borgum það sem við þurfum að borga. Og það eru ekki bara bretar sem við þurfum að hafa áhyggjur af. Við erum að tala um norðurlöndin, sem nota bene hafa lánað okkur pening til þess að aðstoða okkur. Við erum að tala um Holland, Belgíu, vinaþjóðir þeirra, Breta, og flestar þær sjóðir sem fingur hafa í Evrópusambandinu.

Ef við borgum ekki, erum við dauðadæmd. Þú hlýtur að sjá það.

[Axel Jóhann Hallgrímsson, 13.7.2009 kl. 08:54]

Það er gaman að þessu. Ég skrifa smá greinarkorn um það hvernig Frakkar taka á málum þegar þeir setja í mótmælagírinn, en hnýti svo smá gríni við í restina í hálfkæringi og það verður þungamiðja athugasemda. Stundum verður kjarninn ekki greindur frá hisminu eða öfugt.