„Svínaflensu“ þráhyggja fjölmiðla

 A(H1N1) flensan, sem er rétt eins og aðrar inflúensur, er orðin að svo magnaðri  þráhyggju hjá fjölmiðlum að undrun sætir.  

Daglegar fréttir eru fluttar, 18 tilfelli hér, 11 greindir þar, 24 smitaðir víðar, margir veikir allstaðar o.s.f.v.  

Flensan er greinilega víðar en hjá fleirum eins og konan sagði.

Og nú til að kóróna dramatíkina þá kom 54 ára gamall bandarískur ferðamaður smitaður til Íslands  15. júlí sl. og hugsið ykkur 7 ára gamall drengur kom smitaður frá Bretlandi 17. júlí sl.  

Væri ekki rétt að taka smá frí frá þessu bulli? 

18 greindir með svínaflensu

Athugasemdir

[Ívar Gunnarsson, 23.7.2009 kl. 04:19]

Hjartanlega sammála. Þetta er gúrkutíðarfréttamennska, nema hvað nú er af nógu að taka í þjóðmálum. Hljómar næstum einsog verið sé að dreifa athyglinni vísvitandi...

[Jónas (IP-tala skráð) 23.7.2009 kl. 06:21]

Er eitthvað að því að leyfa fólki að fylgjast með?  Það er nú einu sinni gert ráð fyrir því að allt að 50 % þjóðarinnar veikist og allt að 3% þjóðarinnar geti látist af þessari veiki á komandi mánuðum ef hún nær að breiðast út.

Þetta er mun merkilegri frétt og þarfari en margt annað sem er birt.

[Júlíus (IP-tala skráð) 23.7.2009 kl. 07:23]

Þetta er enginn þráhyggja Axel, hvernig í ósköpunum færðu það út?

700 manns rúmlega nú þegar látnir og talan hækkar daglega.

Þetta er háalvarlegt mál sem þarf að vara fólk við. 

Heldur þú að þegar spænska veikin reið yfir að það hefðu ekki færri látist ef um jafn miklar upplýsingar og við höfum í dag?

Ef þú ert á móti þessari frétt þá ættir þú kannski ekki að lesa þær. 

Fásinna að kalla svona lagað þráhyggju.

[stefán (IP-tala skráð) 23.7.2009 kl. 10:41]

þessi flensa er bara venjuleg inflúensa, eða eitthvað örlítið öðruvísi sem er bara þróunin..þessi hræðsluáróður er svipaður og fuglaflensuhræðslan...bull...

það látast fleirri úr niðurgang daglega..

[Magnús Sigurðsson, 23.7.2009 kl. 11:16]

Þetta er dálítið sérstakur fréttaflutningur, sem fer eins og eldur í sinu um heiminn.  En það er umhugsunar vert hversu fljótt það tók af að þróa bóluefni og koma því í gegnum ferlið.

http://www.youtube.com/watch?v=JDxJgJRqPng&eurl=http%3A%2F%2Fmagnuss%2Eblog%2Eis%2Fblog%2Fmagnuss%2F&feature=player_embedded 

[Axel Jóhann Hallgrímsson, 23.7.2009 kl. 11:24]

Ívar, Stefán, Magnús, takk fyrir undirtektir og ykkar innlegg.

[Axel Jóhann Hallgrímsson, 23.7.2009 kl. 11:54]

Jónas, Júlíus,  Flensur hafa ekki verið fréttaefni áður í sama mæli og nú af einhverjum ástæðum. Ný flensa kemur á hverju ári. Ef fjölmiðlar hefðu fylgst með fyrri flensum af jafnmiklum áhuga,  hefði komið í ljós að fólk dó líka í þeim í svipuðum mæli og nú.

Þessar hrakspár um svipaða dánartíðni og í verstu tilfellum er háð því að veiran stökkbreytist og fram komi nýtt öflugra afbrigði. Hvort það gerist yfir höfuð er ekki vitað, það er einungis möguleiki.

Eina leiðin til að koma í veg fyrir smit í alvarlegum faraldri er að einangra fólk frá hvort öðru í ákveðin tíma. Sjáið þið fyrir ykkur hvernig það gerist í nútíma þjóðfélagi. Verður það gert með æsifréttum?

Spænsku veikinni fylgdi lungnabólga sem var aðal dánarorsökin, aðstæður allar eru betri í dag til að vinna á þeim aðstæðum en 1918.

[brahim, 23.7.2009 kl. 13:20]

Las það á netinu um daginn að allt að 250.000 látist árlega úr venjulegum flensum...og var þá ekki verið að tala um þessa H1N1 flensu...reyndar er um annan aldurshóp að ræða þar..aðalega gamalt fólk og þá sem eru sjúkir fyrir. H1N1 virðist skaða mest þá sem yngri eru að því er virðist á fréttum að ræða...en ef hún á eftir stökkbreytast mikið gætu dauðsföllum fjölgað svo um munar...geri því ráð fyrir að það viðbúnaðarstig sem nú er í heiminum varðandi H1N1 sé í samræmi við þann möguleika.

[Ingibjörg Axelma Axelsdóttir, 23.7.2009 kl. 14:04]

Eitthvað held ég að þessar heimildir sem þú hefur runnið í gegnum hafa verið eitthvað götóttar, Brahim.

Skiptir ekki máli hvort það er flensa, eða venjuleg kvefpest eða hvaða nöfnum þær ganga undir. Þær herja mikið á þá sem eru gamlir og/eða veikir, en líka á börn.

En það ætti líka að segja sig sjálft, að ónæmiskerfi þeirra sem yngri eru og þá sérstaklega barna, er ekki eins þróað og þeirra sem eldri eru. Og þess vegna þykir það eðlilegt að flensur sem þessar herji verr á þá en fullorðna og stálpaða einstaklinga. 

Á misjöfnu þrífast börnin best, og í dag þykir það víst eðlilegt að vera þyrluforeldri og ofvernda börnin og sótthreinsa allt í kringum þau. Þau mega ekki komast í snertingu við sýkla eða óhreinindi af nokkru tagi. Og satt að segja kæmi mér það ekkert á óvart ef það væri staðreyndin með þetta barn sem dó í Bretlandi, þótt ég ætli nú ekki að fullyrða það.

En mergur málsins er nú samt sá, að það skiptir ekki máli hvort það er svínaflensan, venjulegt kvef, eða ælupest, börnin eru alltaf fyrst til þess að verða veik, vegna "reynsluleysis" í ónæmiskerfinu hjá þeim. Svo koma aldraðir og sjúkir þar á eftir, og það þarf varla að útskýra afhverju.

Þess vegna mættu fjölmiðlar alveg sleppa þess konar móðursýkis og æsifréttamennsku sem hefur einkennt þessa flensu..

[Arndís (IP-tala skráð) 27.7.2009 kl. 16:47]

Móðursýkis- og æsifréttamennskunni hef ég alveg misst af. Ég fæ ekki betur séð en að fjölmiðlar séu einungis að bera áfram fréttir frá Landlækni og Sóttvörnum.

Það er kolrangt að þessi flensa sé nákvæmlega jafn hættuleg og hin venjulega árstíðabundna flensa sem við öll þekkjum.

Munurinn er sá að hér er um nýja flensu að ræða, sem gerir það annars vegar að verkum að menn vita ekki hvernig hún hagar sér. Hins vegar þýðir það að fleiri smitast af þessari flensu en annarri, þar sem hún er ný og fólk því almennt ekki með mótefni gegn henni í líkamanum. 

Það má vera að sama prósenta smitaðra drepist úr þessari flensu og annarri (það hef ég þó hvergi séð staðfest) en fleiri munu hins vegar fá þessa flensu. Þó hlutfallið verði það sama (skv. óstaðfestri kenningu) munu því væntanlega fleiri deyja. 

Það er augljóslega engin ástæða til að fá taugaáfall yfir þessum faraldri. Það gerir lítið gagn. Það er hins vegar litlu gáfulegra að gera lítið úr eðlilegum og hóflegum varúðarráðstöfunum sem hver og einn getur gert fyrir sig. Það er bæði eðlilegt og æskilegt að menn reyni að forðast smit af þessari flensu eins og þeir geta. 

www.landlaeknir.is

www.influensa.is