Grænlenska landstjórnin hefur formann ekki forsætisráðherra

Grænland hefur ekki forsætisráðherra og hefur aldrei haft. er Formaður landstjórnar kallast ígildi forsætisráðherra á Grænlandi. (dk.  Landsstyreformand for Grønlands Landsstyre).

Þetta eiga þeir að vita á Mogganum, en eins og títt er á mbl.is, þá er þessi frétt þýdd  beint og orðrétt úr ensku, hugsunarlaust.

Núverandi formaður landstjórnar er Kuupik Kleist.

 

Vill botn í sprengjumál

Athugasemdir

[Björgvin (IP-tala skráð) 4.8.2009 kl. 23:37]

Reyndar fengu Grænlendingar fullveldi nú í byrjun júlí síðastliðinn og þá breyttist formaður landsstjórnar í forsætisráðherra :)

[Axel Jóhann Hallgrímsson, 5.8.2009 kl. 00:04]

"Með nýjum sjálfsstjórnarlögum, sem tóku gildi á þjóðhátíðardegi Grænlendinga 21. júní sl., öðluðust Grænlendingar sjálfsákvörðunarrétt um að verða fullvalda ríki þegar, og ef, þeir svo kjósa. Guðmundur Alfreðsson, prófessor í þjóðarétti við Háskólann á Akureyri og Háskólann í Strassborg, var einn af fulltrúum Grænlands í nefndinni sem samdi nýju lögin. Hann segir lögin ekki ganga eins langt og sambandslögin um fullveldi Íslands árið 1918. Á þessu stigi sé um að ræða verulega útvíkkun á heimastjórninni. Guðmundur leggur áherslu á að með þeim orðum dragi hann ekki úr mikilvægi laganna og samkomulagsins að baki þeim. „Grænlendingar hafa fengið viðurkenningu á réttinum til að stofna fullvalda og sjálfstætt ríki en fullvalda verða þeir þó ekki fyrr en þeir ákveða að stíga það skref.“

Úr fréttaskýringu, sjá nánar hér.

[Axel Jóhann Hallgrímsson, 5.8.2009 kl. 00:21]

Þessu til viðbótar Björgvin þá virðist þessi breyting á stöðuheiti formanns landsstjórnarinnar, sem þú nefnir, hafa farið framhjá Grænlendingum, sjá heimasíðu Landstjórnarinnar Grænlensku.