Að fullyrða að hiti...

...hafanna hafi aldrei verið meiri en núna, er dulítið yfirdrifið, þótt hiti þeirra hafi ekki verið meiri síðan mælingar hófust á fáum stöðum fyrir um 130 árum.

Þótt full ástæða sé til að taka veðurfarslegar breytingar alvarlega þá er hæpið að alhæfa um framtíðina jafn sterkt og gert hefur verið út frá aðeins 130 ára mælingartíma af 5 milljarða ára sögu jarðar.

Rannsóknir sýna að hitafarssveiflur hafa oft verið mun meiri á Jörðinni en sem nemur breytingu síðustu 130 ára.

Því er vafasamt út frá þessu að forma einhverja dómsdagsspá eins og tilhneigingin hefur verið.

Annars spáir illa næstu daga.

Höfin hafa aldrei verið heitari

Athugasemdir

[Loftslag.is, 20.8.2009 kl. 21:58]

Óheppileg fyrirsögn í þessari frétt og frekar gölluð frétt á margan hátt.

Ekkert er sagt um það hvaða stofnun það er sam gaf út þessa frétta tilkynningu. En væntanlega hefur það verið NOAA (National Oceanic and Atmospheric Administration). Fréttatilkynningin er þá væntanlega þessi:

http://www.noaanews.noaa.gov/stories2009/20090814_julyglobalstats.html

En þar segir að síðasti júlí hafi sjávarhiti verið mestur (miðað við fyrri júlímánuði) frá upphafi mælinga, en ekki mesti sjávarhiti frá upphafi né mesti sjávarhiti frá upphafi mælinga.

Þrátt fyrir villuna þá eru þetta vissulega alvarlegar fréttir allavega miðað við þróunina í losun gróðurhúsalofttegunda (sérstaklega koldíoxíðs).

[Axel Jóhann Hallgrímsson, 20.8.2009 kl. 22:17]

Alveg rétt sápubox, eins og ég segi þá verðum við að varast að fara á límingunum þótt full ástæða sé til að hafa allan varan á.

[Guðmundur Ásgeirsson, 20.8.2009 kl. 23:03]

Og sjávarstaða fer líka hækkandi, meðfram austurströnd Ameríku mældist hún að jafnaði allt að hálfum metra hærri á fyrri hluta þessa árs en í meðalári.

Það er gott að búa í Árbænum... (hátt yfir sjávarmáli)

[Gulli (IP-tala skráð) 21.8.2009 kl. 08:16]

Sjávarstaða hefur farið stöðugt hækkandi síðustu 15 þúsund árin svo það ætti ekkert að koma neitt sérstaklega á óvart að það hefur haldið áfram síðustu 130 ár.  Sænskur vísindamaður sem er með þeim fremstu í heiminum í nákvæmlega sjávarhæð heldur meira að segja því fram að sjávarstaða hafi ekkert hækkað síðustu 50 árin:
http://www.telegraph.co.uk/comment/columnists/christopherbooker/5067351/Rise-of-sea-levels-is-the-greatest-lie-ever-told.html

[Loftslag.is, 21.8.2009 kl. 09:55]

Já já Gulli. Einungis þessi sænski vísindamaður kann að lesa af mælum

[Axel Jóhann Hallgrímsson, 21.8.2009 kl. 13:11]

Af hverju hækkar sjáfarborð meira við austurströnd Ameríku en annarstaðar?

Sigla þá skip sem fara vestur Atlantshafið upp brekku og niður hana á bakaleiðinni?

Ég verð að viðurkenna að ég er ekki nægjanlega skarpur til að meðtaka þetta.