Hvort sem menn eru með...

...eða á móti Icesave ógeðinu þá er þetta svartur dagur í sögu landsins.

Þótt ég sé þeirrar skoðunar að undan þessu oki verði vart skorist, þá er málið það stórt og mikið að burðum að forsetinn á ekki annan kost en hafna lögunum staðfestingar og vísa málinu í dóm þjóðarinnar.

Forsetinn hafnaði fjölmiðlafrumvarpinu því það hafði myndað gjá milli þings og þjóðar. Hafi verið gjá uppi þá, hvað kalla menn þá þetta ginnungar gap sem nú sundrar þjóðinni?

Ef Icesave er ekki nógu stórt og alvarlegt fyrir beitingu neitunarvalds forseta, þá má því valdi á haug kasta.

Það verður ekki sátt og friður í þessu landi um ókomin ár nema þjóðin fái að hafa síðasta orðið í Icesave.

Það verður þá þjóðin sem velur hvort hún vill frekar ok samningana eða afleiðingar þess að hafna þeim.

Ljósmyndin er fengin að láni af bloggsíðu Magnúsar Sigurðssonar

Bretar skoða fyrirvarana

Athugasemdir

[Grétar Einarsson og Óskar Ásgeir Ástþórsson , 28.8.2009 kl. 13:25]

Og þá er spurningin hvort okið er meira og alvarlegra?

Grétar Einarsson

[Axel Jóhann Hallgrímsson, 28.8.2009 kl. 13:29]

Einmitt.

[hilmar jónsson, 28.8.2009 kl. 14:01]

Þetta er hrikalegt og ömurlegt að verða vitni að því hvernig Sjálfstæðismenn og Framsóknarmenn firra sig ábyrgð og upphefja sig á kostnað stjórnarinnar, hafndi komið þjóðinni í þessar ógöngur.

Þvílík gubba....

[Axel Jóhann Hallgrímsson, 28.8.2009 kl. 14:14]

Hilmar; Framsókn tók þó skýra afstöðu en nafn sjálfstæðisflokksins verður framvegis skrifað með litlum staf. Bjarni Ben verður í sögunni aðgreindur frá frænda sínum og nafna með viðurnefninu "hinn minni".

Þingið átti ekki annan kost en samþykkja málið að mínu áliti en Ólafur verður að hafna til að vera samkvæmur sjálfum sér og gera ekki rökin fyrir höfnuninni forðum að engu.

Þjóðin á þá völina og kvölina.

[Grétar Einarsson og Óskar Ásgeir Ástþórsson , 28.8.2009 kl. 14:59]

Ég er á því að hættan sem okkur gæti stafað af því að hafna samningnum sé miklu hættulegri.

En ég er sammála þér Axel varðandi Ólaf.

Grétar Einarsson

[Axel Jóhann Hallgrímsson, 28.8.2009 kl. 15:10]

Það er líklegt að mat þitt sé rétt Grétar.

[Finnur Bárðarson, 28.8.2009 kl. 15:42]

Hvað gerist ef Bretar og Hollendingar segja nei takk ?

[Axel Jóhann Hallgrímsson, 28.8.2009 kl. 15:53]

Þeir verða að samþykkja alla fyrirvarana annars tekur ríkisábyrgðin ekki gildi, ef ég hef skilið þetta rétt Finnur.

[Páll Blöndal, 28.8.2009 kl. 23:46]

Ég hef það nú á tilfinningunni að þjóðin myndi samþykkja
samninginn með þessum fyrirvörum.
... og reyndar að það samþykkt með yfirgnæfandi meirihluta.

[Axel Jóhann Hallgrímsson, 29.8.2009 kl. 12:05]

Þá ættu allir að geta orðið sáttir nema þá gervipresturinn og hans nánustu.