Þetta má aldrei, aldrei aftur gerast.

Eitthver mesti hildarleikur í sögu mannkyns hófst  1. september 1939 með innrás Þjóðverja í Pólland.

En það er eitt sem virðist algert tabú í frásögnum af Póllandsstríðinu, en það er þáttur Sovétríkjanna í því máli.

Það er t.d. rangt sem sagt er í þessari frétt að Þjóðverjar hafi lagt Pólland undir sig. Stalín sá sér leik á borði og réðst, samfara innrás Þjóðverja,  inn í Pólland úr austri og lagði undir sig hart nær helming landsins.

Sovétríkin voru því innrásar- og upphafsaðilar stríðsins ekkert síður en Þjóðverjar, þótt þeir hafi ekki hleypt af fyrsta skotinu. En bandamenn kusu að líta framhjá þeirri staðreynd, því þeir bundu vonir við  bandalag við Stalín til varnar útþenslustefnu Hitlers, sem síðar varð þegar Hitler réðst á Sovétríkin í júní 1941.

Sovétríkin lögðu líka undir sig Eystrasaltslöndin og réðust á Finnland til landvinninga, þeir hafa aldrei verið látnir gjalda þess, enda töldust þeir til sigurvegara stríðsins, og sigurvegar fremja ekki stríðsglæpi eins og kunnugt er.

Eftir stríðslok færðu Sovétmenn Pólland til, skáru sjálfum sér væna sneið af Póllandi í austri og tóku samsvarandi sneið af Þýskalandi og skeyttu við Pólland í vestri. Þetta var gert án verulegra andmæla annarra bandamanna.

Annar árásaraðilinn á Pólland varð þannig einn af sigurverum stríðsins, rétt eins og Ítalir sem skiptu um lit í lok stríðsins.

Sorglegasti kafli Evrópusögunnar hófst með innrásinni í Pólland

Athugasemdir

[Óskar Helgi Helgason (IP-tala skráð) 1.9.2009 kl. 17:54]

Heill og sæll; Axel Jóhann !

Stærstu mistök Sovétríkjanna voru; að taka ekki enn stærra land, af andskotans Þjóðverjunum.

Hefði svo farið; hefði Fjórða ríkið (ESB) aldrei komist á legg.

Tjón Rússa; af valdatöku þeirra Leníns, í Rússlandi, á sínum tíma,  mun mjög seint verða bætt, þó mikill árangur hafi náðst, á valdatíma þeirra Putíns, reyndar.

Með ágætum kveðjum; sem fyrri og áður /

Óskar Helgi Helgason

[Axel Jóhann Hallgrímsson, 1.9.2009 kl. 18:12]

Blessaður og sæll Óskar Helgi! 

Margir voru á þeirri skoðun í lok stríðsins, m.a. Patton, að bandamenn ættu að hjóla í Sovétmenn. Margir hafa síðar í ljósi sögunnar sagt að því miður hafi það ekki verið gert.

En það er alltaf hægt að segja; hvað ef og betur hefði.

Enginn getur séð hvort það hefði orðið til góðs eða leitt til enn meiri hörmunga og verri niðurstöðu en nú er uppi.

Takk fyrir innlitið, kveðja,

[Valtýr Kári Finnsson (IP-tala skráð) 1.9.2009 kl. 20:17]

Ef að Patton hefði fengið að ráða og kanarnir hefðu farið í hart við rússana eftir að Berlín féll þá hefðu rússar einfaldlega unnið!

Sovétríkin höfðu einfaldlega stærri her, fleiri og betri skriðdreka, öflugt stórskotalið, sæmilegann flugher (þó að sá bandaríski hafi verið mun betri og þurftu ekki að sigla yfir úthaf með allar sínar birgðir!

[Axel Jóhann Hallgrímsson, 1.9.2009 kl. 21:15]

Þú gleymir "Litla drengnum" og "Feita manninum" Valtýr.