Salómonsdómur

Biskupinn hefur nú loks skriðið undan feldi sínum og tekið af skarið og tekið þá skynsamlegu ákvörðun að sr. Gunnar fær ekki aftur embætti sóknarprests á Selfossi.

Óskiljanlegt er hve lengi biskup hefur þvælst í þessu máli því lausnin og leiðin út úr því gat aðeins verið ein.

Þótt Gunnar hafi verið sýknaður fyrir dómi af þeim ákærum sem á hann voru bornar er ljóst af þessari óhjákvæmilegu ákvörðun biskups að prestinum er gerð refsing þrátt fyrir það.

En hjá því varð ekki komist, enginn friður hefði orðið um nærveru prestsins í sókninni, burtséð frá sýkn eða sekt.

Ég er ekki kirkjunnar maður er mér ljóst að prestar gegna stöðu sinnar vegna þýðingarmiklu hlutverki í samfélaginu og því er nauðsynlegt að þeir njóti trúnaðar samfélagsins og störf þeirra og heilindi séu hafin yfir allan vafa.

Því var nauðsynlegt og óhjákvæmilegt að brjóta á réttindum prestsins.

Samkvæmt nýjustu fréttum mun sr. Gunnar vera afar ósáttur, en hans hagsmunir hljóta að vera þeir, að láta kyrrt liggja.

  

Gunnar til Biskupsstofu

Athugasemdir

[Heimir Lárusson Fjeldsted, 15.10.2009 kl. 18:21]

Komin er skýring á tregðu biskups. Sr. Gunnar hefur endursent bréfið!

[Axel Jóhann Hallgrímsson, 15.10.2009 kl. 18:34]

Já Heimir. Sr. Gunnar hefur lesið bréfið fyrst og fengið skilaboðin, en ég tel víst að biskupinn taki sér drjúgan umhugsunartíma, hvernig á skuli  tekið.

Það er nóg af vandamálum í samfélaginu svo að kirkjan sé ekki að gera sér að leik að halda sóknarbörnum á Selfossi í óvissu og angist mánuðum saman yfir sóknarprestinum sem það treystir ekki.

[Axel Jóhann Hallgrímsson, 15.10.2009 kl. 18:46]

Í fréttum stöðvar 2 áðan var sagt að 10 prestar ætluðu að halda sr. Gunnari stuðningsfund á Selfossi.

Hvað gengur þessum syndlausu guðsmönnunum til?

Telja þeir ýtrustu réttindi prestsins það mikilvæg að friði í sókninni sé vel fórnandi til þess.

Að upplausn, ófriður, vinslit og væringar sé prestsins virði sem aldrei fær starfsfrið þótt honum verði nauðgað inn á söfnuðinn.

Klofningur verður óhjákvæmilegur.

[Heimir Lárusson Fjeldsted, 15.10.2009 kl. 19:16]

Presturinn á að sækja um hjá Vegagerðinni. Vantar ekki alltaf vegpresta?

[Axel Jóhann Hallgrímsson, 15.10.2009 kl. 19:24]

Verður hann þá á Guðs vegum?

[Björn Birgisson, 15.10.2009 kl. 19:39]

Getur Gunnar ekki fengið að raða í pokana í Bónus, faðmað og kysst viðskiptavinina og haldið embættisheitinu pokaprestur.

[Axel Jóhann Hallgrímsson, 15.10.2009 kl. 19:58]

Pokaprestur!  

Ég get ekki séð að Gunnari sé nokkur vorkunn að starfa á biskupsstofu og þreifa þar á málum í rólegheitum.

Biskupsstofa kemst sennilega næst því að teljast verndaður vinnustaður.

Mér þykir ótrúlegt að Gunnar hafi í alvöru trúað því að hann ætti afturkvæmt.

[k.jonsd. (IP-tala skráð) 15.10.2009 kl. 21:56]

hvað getið þið kverúlantar gaggað mikið? tómt blaður... k

[Axel Jóhann Hallgrímsson, 15.10.2009 kl. 22:11]

Æ, æ, kemur ekki ein kvartsár og aðfinnslusöm kerlingartuska sem veit ekki hver hún er og bítur sjálfa sig í afturendann, grey skinnið!

[kunnug málsins (IP-tala skráð) 15.10.2009 kl. 23:24]

Sæll kæri bloggar.

Vildi bara benda þér á þá staðreynd að Gunnar komst á eftirlaunaaldur Í DAG, svona úr því að þú varst að velta fyrir þér hvers vegna biskupinn dróg þessa "ákvörðun" svo á langinn.

 Þetta er því engin tilviljun.

Mér finnst þetta hins vegar hreinn og klár dónaskapur og tillitsleysi hjá biskup íslands þar sem stúlkurnar hafa þurft að bera þetta mál á bakinu þar til þær fengu loksins LOKSINS einhvern lokapunkt á þetta í dag!

 kv.

[Axel Jóhann Hallgrímsson, 16.10.2009 kl. 00:01]

Ekki bætir þetta biskups þátt málsins.

En Gunnar virðist hafa verið staðráðinn í að snúa aftur þrátt fyrir þessi tímamót!

[Ingibjörg Axelma Axelsdóttir, 16.10.2009 kl. 00:18]

"He'll be back.."

[Björn Birgisson, 16.10.2009 kl. 00:48]

Sure.

[Reputo, 16.10.2009 kl. 08:20]

"...mér ljóst að prestar gegna stöðu sinnar vegna þýðingarmiklu hlutverki í samfélaginu og því er nauðsynlegt að þeir njóti trúnaðar samfélagsins..."

Baahhaaahaahaaahaaaaaaa, góður

[hmm (IP-tala skráð) 16.10.2009 kl. 09:56]

Ég þekki nú ekki eftirlaunaaldurinn hjá prestum, en hann er fæddur 15. okt 1944 skv. Íslendingabók sem gerir hann 64 ára í dag.  Ekki er það eftirlaunaaldurinn hjá prestum, 3 árum fyrr en aðrir?!?

[Axel Jóhann Hallgrímsson, 16.10.2009 kl. 10:36]

hmm, sennilega er gengið útfrá hinni svokallaðri 90 ára reglu, sem er starfsaldur + lífaldur.

[Axel Jóhann Hallgrímsson, 16.10.2009 kl. 10:51]

Reputo, ég er ekki í þjóðkirkjunni og nota ekki þjónustu hennar að öllu jöfnu. En þær aðstæður hafa komið upp að ég hef þurft að leita til presta, einmitt vegna hlutverks og stöðu þeirra. Að sjálfsögðu var leitað til presta sem ég taldi traustsins verða.

Ég á þrjú börn, tvö þeirra eru fermd, eitt ekki. Það var þeirra val, eðlilega. En það er kristalstært að ég hefði aldrei látið þau ganga til spurninga til prests sem hefði svipað á bakinu og sr. Gunnar, hvort sem hann hefði sýknu frá Hæstarétti upp á vasann eða ekki.

Ég myndi láta barnið en ekki prestinn njóta vafans og velja annan prest, sem ég teldi mig geta treyst.