Jæja, þá vitum við það.

Við atkvæðagreiðslu á Alþingi um frumvarp ríkisstjórnarinnar, um aðgerðir í þágu heimila, fyrirtækja og einstaklinga vegna bankahrunsins,  staðfesti  stjórnarandstaðan með hjásetu sinni að hún hefur engan sérstakan áhuga á velferð fólksins og fyrirtækjanna  í landinu þrátt fyrir hástemmdar og digurbarkalegar yfirlýsingar um annað.

Tveir stjórnarandstæðingar, Guðmundur Steingrímsson og Tryggvi Þór Herbertsson sýndu manndóm og ákváðu að standa í lappirnar.

Af þessu er ljóst að ekki studdu allir stjórnarliðar málið, það þarf að upplýsa hverjir það eru og svo eini þingmaðurinn,  auminginn að tarna, sem greiddi atkvæði gegn málinu og rétti þjóðinni fingurinn og sagði með því - farið í rassgat!

 

Greiðslujöfnunarfrumvarp samþykkt

Athugasemdir

[Helga , 23.10.2009 kl. 16:11]

Hér er það gersamlega STJÓRNIN sem sendi þjóðina í "rassgat" eins og þú orðar það....   amk.   fólkið með erlendu lánin.  Ég viðurkenni að þetta er fín lausn fyrir fólk með ísl. lán, þvíþað borgar bara eins og lánin stóðu 1. jan 2008.  Hins vegar skil ég ekki hverslags dj... kvikindisskaps lausn þetta á að vera frir fólk með erlend lán, því þar á að miða við gengið 2. maí 2008  og þar er gegnið komið á flug  og í þokkabót á að tengja þetta við greiðslujöfnunarvísitölu!!!!!!!  sem er fáránlegt, því eina gulrótin fyrir fólk sem "lét bankana hafa sig út í" að taka þessi lán var að þau myndu lækka því fólk var að borga þau niður  enda var afborgunin af hverri milljón í erlendum lánum um 40% HÆRRI en afborgunin af milljóninni í íslenskum.  Þannig að með því að ætla líka að tengja þau vísitölu og stefna þeim í himinhá arafborganir (m.v. 2.5.2008) Er bara verið að henda þessu fólki í gjaldþrot.  Það verða ekki margir aðrir vegir færir en að láta ríkið hirða íbúðirnar og skella sér til Noregs á eftr hinum!

Ef hann Árni hefði líka boðið þessu fólki  afborganir m.v. 1. jan 2008, væri hér ekki um eins mikla mismunun að ræða.

[stebbi (IP-tala skráð) 23.10.2009 kl. 16:15]

Ég get ekki séð að nokkur þingmaður hafi setið hjá..

þú ert eitthvað að misskilja hlutina er ég hræddur um.

[Finnur Bárðarson, 23.10.2009 kl. 16:34]

Samþykkti Birgir Ármannsson þetta líka ???

[Axel Jóhann Hallgrímsson, 23.10.2009 kl. 17:00]

Ég tel það útilokað Finnur, hann hefur verið í hópi þeirra 30 þingmanna sem ekki töldu ástæðu til að mæta í þingsal, hvað þá meir.

Guðmundur Steingrímsson greiddi atkvæði með en ég veit reyndar ekki fyrir víst hvort Tryggvi Þór greiddi atkvæði með, fréttin er óljós, en ég vildi láta hann njóta vafans.

[Axel Jóhann Hallgrímsson, 23.10.2009 kl. 17:04]

stebbi, ég átta mig ekki á þeim misskilningi nema hvað þeir sátu ekki hjá í ströngustu merkingu þess orðs, en 30 þingmenn greiddu ekki atkvæði,  þeir mættu ekki einu sinni í þingsal, smánarlegt.

[Axel Jóhann Hallgrímsson, 23.10.2009 kl. 17:09]

Helga, ekki tek ég undir skilgreiningu þína á stjórninni, hún skapaði ekki vandann.

Ekkert er fullkomið, ekki þetta frumvarp, frekar en önnur, en þetta er stórt spor í rétta átt. En í þá átt virðist stjórnarandstaðan, aðal höfundar hrunsins, ekki vilja fara.

[stebbi (IP-tala skráð) 23.10.2009 kl. 17:22]

m.a. þessir voru fjarverandi

Atli Gíslason,              
Ásmundur Einar Daðason 
Guðfríður Lilja Grétarsdóttir   
Helgi Hjörvar
Jón Bjarnason
Kristján L. Möller
Steingrímur J. Sigfússon,
Svandís Svavarsdóttir  
Ögmundur Jónasson,
Össur Skarphéðinsson

Ætlar þú að halda því fram að þeir hefi allir "engan sérstakan áhuga á velferð fólksins og fyrirtækjanna  í landinu þrátt fyrir hástemmdar og digurbarkalegar yfirlýsingar um annað." ???

Svo eru þetta nú ágætislög fyrir fólk með islensk lán, en það er verið að gefa fólki með gengistryggð lán puttann..  :(

[Axel Jóhann Hallgrímsson, 23.10.2009 kl. 17:40]

Hvaða ályktun ætti að draga aðra?

[Margrét Ólafsd (IP-tala skráð) 23.10.2009 kl. 21:56]

Ágætis lög fyrir fólk með íslensk lán??????  Verðtryggingarvísitalan hefur hækkað lánin um tæp 50% síðan 2005 þrátt fyrir fullar afborganir. Sem dæmi þá er 17 milljón króna lán tekið sumarið 2005 komið í tæpar 25 milljónir.  Þessi "greiðslujöfnunarleið" er ekkert annað en að pissa í skóinn sinn.  Því verðtryggingin sér um að hækka lánin áfram og ennþá hraðar en áður.  Eignaupptakan mun halda áfram.  Það er EKKERT réttlæti í þessu fyrir verðtryggingarþrælana og EKKERT réttlæti fyrir þá sem eru þrælar gengistryggðu lánanna. 

[Stebbi (IP-tala skráð) 23.10.2009 kl. 23:59]

Hvaða ályktun ætti að draga aðra?

 t.d. þá að þingmennska snýst um meira en að sitja á bossanum á öllum þingfundum.  þetta var öruggt mál, það var engin þörf á fleirum til að samþykkja það.