Þetta er fullkomlega eðlilegt hlutfall!

Hlutfall kvenna,  innanvið  ¼ af viðmælendum í þáttum  á RUV eins og t.d. Silfrinu og Vikulokunum, er fullkomlega eðlilegt og alls ekki gagnrýniverð.

Því það endurspeglar hlutfall kvenna í stjórnunarstöðum í þjóðfélaginu, það óeðlilega er,  hve illa konum gengur að ryðja sér braut í stjórnunarstöður í þjóðfélaginu.  

Það væri líklegra til árangurs fyrir konur ef Kvenréttindafélag Íslands réðist  gegn orsök vandans, en hjólaði ekki í afleiðinguna.   

Egill Helgason og Hallgrímur Thorsteinsson bera ekki ábyrgð á vandanum, þeir gera hann aðeins sýnilegan.

Sjónarmið kvenna komast ekki að

Athugasemdir

[linda (IP-tala skráð) 3.11.2009 kl. 13:59]

Hvað telur þú vera orsök vandans?

[Axel Jóhann Hallgrímsson, 3.11.2009 kl. 14:08]

Linda; vandann er að finna út í þjóðfélaginu, afstöðu karla til kvenna, lélegs sjálfsmats kvenna o.s.f.v. 

Fáar konur í Silfrinu er ekki orsökin, svo mikið er víst.

[Ásdís Sigurðardóttir, 3.11.2009 kl. 14:39]

Sammála þér Axel.

[Gunnar Th. Gunnarsson, 3.11.2009 kl. 15:15]

Þetta snýst alls ekki um afstöðu karla til kvenna, heldur afstöðu kvenna til sjálfs sín. Konur eru ekki nógu "graðar" að koma sér á framfæri.

Ýmsir þáttastjórnendur hafa kvartað yfir því að mun erfiðara sé að fá konur sem viðmælendur en karla.

[Axel Jóhann Hallgrímsson, 3.11.2009 kl. 15:28]

Takk fyrir þetta Ásdís

[Axel Jóhann Hallgrímsson, 3.11.2009 kl. 15:35]

Gunnar þetta er laukrétt hjá þér, en það væru ýkjur að segja að karlar hafi  stutt við bakið á konum á framabraut og gefið þeim rými, hver sem ástæðan er. 

[Gunnar Th. Gunnarsson, 3.11.2009 kl. 16:20]

Á "græðgisárunum" hefur eflaust þót betra að hafa áhættusækna karla í stjórnunarstöðum. Að ferðast á fundi til útlanda, fyrirvaralaust í tíma og ótíma, hentaði körlum betur en konum ef ung börn voru á framfæri þeirra, en það ætta að hafa breyst með tilkomu feðraorlofsins.

En er það svo? Ég held að konur séu heimakærari. Kannski er það galli.

[Gunnar Th. Gunnarsson, 3.11.2009 kl. 16:21]

Og í samkeppnisumhverfi er hver sjálfum sér næstur. Enginn karl myndi hygla öðrum karli, á kostnað sjálfs síns.

[Axel Jóhann Hallgrímsson, 3.11.2009 kl. 16:26]

Þetta eru gild sjónarmið, Gunnar.