Kötlugos lausnin?

Landbrot er farið að ógna byggðinni í Víl í Mýrdal.  Árni Johnsen boðar til fundar í fjörunni við Vík annað kvöld til að reyna að hemja hafið.

Ljóst er að hressilegt Kötlugos með öllu tilheyrandi myndi færa strandlengjuna við Vík verulega fram og redda málinu.

Í stað þess að rymja yfir fundarmönnum í flæðamálinu ætti Árni því að bregða sér á Kötlu kerlingu og taka lagið.

Þá er eins víst að Katla gamla rumskaði af svefni sínum, blési hressilega frá sér til að hrista af sér okið.

Ætli fundarmenn að bíða í fjörunni meðan Árni athafnar sig á Kötlu væri vissara að mæta í bússum.

Fundarmenn mæti í sjóstígvélum

Athugasemdir

[Guðrún Þóra Hjaltadóttir, 4.11.2009 kl. 23:06]

Þú segir nokkuð !

[Axel Jóhann Hallgrímsson, 4.11.2009 kl. 23:10]

Ef einhver getur þetta þá er það Árni.

[Guðrún Þóra Hjaltadóttir, 4.11.2009 kl. 23:14]

Já þú meinar. Hann verður trúlega þarna í stígvélum með gítarinn og bálköstinn. Við ættum kanski að skella okkur í Mýrdalinn.

[Axel Jóhann Hallgrímsson, 5.11.2009 kl. 00:01]

Ef ég hæfi upp raust mína með Árna yrði Katla gamla ekki bara fúl með venjulegu gosi, hún yrði ösku ill með tilheyrandi hamförum. Ekki vert að hætta á það.

Svo er Árni á heimavelli þarna.