Fékk Silfurbjörninn fyrir nauðgun

Hvernig hugsa menn eiginlega í kvikmyndabransanum? Er þeim ekkert ógeðfellt?

Er hugsunarlaust og kinnroðalaust medalíum og verðlaunum ausið yfir barnaníðinga og þvíumlíka, hafi þeir aðeins þjónað kvikmyndagerðinni og listinni sem slíkri?  

Það er greinilega ekki sama hver nauðgar og hverjum?

 

Polanski vann Silfurbjörninn

Hér er Frakki, um rembing, frá derring, til hroka

Hafin er leit að helsta þjóðareinkenni Frakka. 

Helsta þjóðareinkenni , ....nei ekki helsta, heldur eina þjóðareinkenni Frakka er hinn rótgróni og óviðjafnanlegi þjóðernisbelgingur,  að ekkert sé eitthvað  eða einhvers virði, nema það sé Franskt.

Hægt er að fara inn á vefsíðu sem opnuð hefur verið um efnið og tjáð sig um málið, en aðeins ef þú ert Franskur,  auðvitað.

Frakkar leita einkenna sinna

Ó

 

!, ?

 

Sambandsslitum haldið leyndum

Holdasýning og pungakáf

Íslendingar eiga góða möguleika á að verða heimsmeistarar í holdafari og punga káfi nú um helgina.

Því um helgina fer fram  á Bahamaeyjum alþjóðleg holdasýning, þar er keppt í beru holdi kvenna, kostum þess og  gæðum. Að venju eru fjölmiðlar farnir að veðja á Íslenskan sigur.

Á Ströndum er líka keppt í holdsins gæðum um helgina, þ.e.a.s. hinu svokallaða hrútaþukli en þar fara keppendur auk sjónmats höndum um lendar og annað hold hrútana til að kanna kosti þeirra.

Markmið beggja keppnanna er að velja besta ásetninginn.

Þetta verður því helgi holdsins.

Verður Ingibjörg Ragnheiður Ungfrú alheimur?

Liggur það ekki í augum uppi ...

...að Tinna hlýtur að gegna starfinu áfram. Hún hefur verið Þjóðleikhússtjóri frá árinu 2005 og þar sem ekki hefur komið fram hæfari kandídat í starfið, þá eru vanfundinn rök fyrir breytingum, nema þá af pólitískum toga, það væri miður.

 

Tvær jafn hæfar

Hvað, á að grafa Halldór karlinn upp...

...svo erlendir skátar geti krufið hann á hestbaki?

Krakkarnir munu hafa æft sig fyrir krufninguna með því að rista niður njóla.

Eru menn ekki allsgáðir á mbl.is?

 

Skátar á hestbaki kryfja Halldór Laxness

„Mikið var um dýrðir....“

Undarleg fyrirsögn Mbl.is á frétt af minningarathöfn. Var þetta hátíð með gleðskap og galsa?

Mikið um dýrðir á minningarathöfninni

Kvikmyndatökuvélin flaug fyrir Hrafninn, fyrir björg

Hrafn Gunnlaugsson ekur bíl á Gíbraltar suður, lendir í árekstri einn úr hópi manna, sem  á móti koma, á bifhjólum.

Í skýrslu um frásögn Hrafnsins af atburðum segir m.a. á þessa leið:

„Hrafn sagðist hafa farið út úr bílnum eftir áreksturinn.  Þá hafi einn bifhjólamannanna reynt að hrifsa af honum kvikmyndatökuvél sem hann hélt á. Síðan hafi mennirnir ráðist á hann með höggum og spörkum, skellt honum í jörðina, snúið upp á hægri handlegg hans og náð af honum myndavélinni. Einn hafi kastað myndavélinni fram af grjótvegg og niður í fjöru.“

Hvort lýgur Hrafninn eða flýgur?  Af hverju hélt Hrafninn á kvikmyndatökuvélinni þegar hann fór út úr bílnum? Var hann kannski að nota hana samhliða akstrinum?  

Eða hafði hann minni en engar áhyggjur af manninum sem minntist við brettið á bílum og greip vélina með sér því hann taldi mannklessuna á brettinu kjörið myndefni?

Gildir einu hvort var, hvorutveggja virðist týpískur Hrafn.

Það eina órökrétta í þessu máli er að það var kvikmyndatökuvélin en ekki Hrafninn sem flaug, í fjöruna niður.  

 

Fær ekki bætur vegna líkamsárásar á Gíbraltar

Standa ber vörð um framboð umfram eftirspurn

 

Bandalag íslenskra leikfélaga skorar á stjórnvöld að standa vörð um  fjárhagsgrundvöll leikfélaga. Á móti heita leikarar að halda áfram að mæta í vinnuna, hvað sem líður eftirspurn eftir þeirra vinnuframlagi.

Að haldið sé áfram að miðla listinni er aðalatriðið,  jafnvel fyrir tómu húsi ef því er að skipta.

Af hverju á framleiðsla á „list“ að vera undanþegin lögmálum framboðs og eftirspurnar, þegar annarri framleiðslu starfsemi í landinu er gert að deyja drottni sínum sé ekki eftirspurn eftir framleiðslunni?

 

Standi vörð um fjárhag leikhúsa

Líkamslýta tíska

Að einhver skuli hafa tekið að sér að tattovera börn undir lögaldri að foreldrum þeirra forspurðum  er alvarlegt mál. Taka verður hart á slíku. Ekki er víst að tattoo ákveðið í bríaríi á unglingsárum verði eiganda sínum til gleði og ánægju þegar til lengdar lætur.

En það er samt skiljanlegt að unglingum langi í tattoo, því tattoo hverskonar er mjög í tísku þessa dagana og enginn maður með mönnum nema hann skarti slíku.

Ekkert er í sjálfu sér við það að athuga þó fólk láti setja fallega mynd á skemmtilegan stað á kroppnum. Slíkt getur jafnvel verið fallegt á að líta, jafnvel rómantískt ef svo ber undir.

En þegar tattooið er farið að þekja mestan hluta viðkomandi líkamsparts, svo ekki sé talað um allan líkamann, þá er þetta farið að líta út eins og klessa og langt því frá að vera augnayndi. Tattoo hefur þann leiða galla að eldast illa með þeim sem það ber. Tattoo sem sett var á stinnan maga eða rass er ekki fallegt þegar viðkomandi líkamspartur er orðin feitur, slappur eða sigin.

Önnur líkamslýta bylgja er svokallað piercing en það er allskonar járnadrasl í öllu hugsanlegu formi og gerðum sem stungið er eða þrætt í líkamann og á hinum undarlegustu stöðum. Kynfæri eru þar ekki undantekning.

Datt í hug að setja með nokkrar myndir sem ég fann með tattoo og piercing. Erfitt er að ímynda sér hvað þessu fólki gengur til. Dæmi hver fyrir sig. Um mig fer hrollur.

  

Húðflúraði hakakross á barn