Ég auglýsi eftir skónum mínum!

Fyrir mörgum árum varð ég fyrir því óláni, þegar ég fór í sjúkraheimsókn á Sjúkrahúsið á Sauðárkróki að skónum mínum var „stolið“ meðan ég staldraði við. Ekki er líklegt að þessi Kóreanski skósmiður hafi verið þar að verki því „þjófurinn“ var svo hugulsamur að skilja skóna sína eftir, svona sem sárabætur.

Mínir skór voru rétt viku gamlir, nýburstaðir og glansandi en það sama var ekki hægt að segja um hitt skóparið. Þeir voru eins og mínir en hið minnsta 3 númerum stærri, greinilega einhverjum árum eldri og af útliti og lykt var ekki annað ráðið en þeir hefðu ítrekað lagt leið sína í gegnum einhvern fjóshauginn í Skagafirðinum.

En hafi þessir skór sem við mér blöstu passað á fætur  eiganda síns þá er mér hulin ráðgáta hvernig hann gat troðið sér í mína. Það hefur verið kómísk sjón að sjá þennan vin minn hökta burtu í allt of litlum skóm eða þá mig  tipla bálillan á sokkaleistunum út í bíl.   

Stal 1200 pörum af skóm

Athugasemdir

[Jón Snæbjörnsson, 22.2.2010 kl. 15:48]

 ansk að lenda í svona uppá komu

[Ásdís Sigurðardóttir, 22.2.2010 kl. 15:57]

 ég nota kvenskó  no.42 -43 þannig að menn hafa aldrei stolið af mér skóm

[Jón Snæbjörnsson, 22.2.2010 kl. 16:07]

alvöru fætur sko  er ég þá í kvenstærð 41

[Ásdís Sigurðardóttir, 22.2.2010 kl. 16:15]

Ekki ef þú ert með sveran fót, það þarf granna og pena fætur í svona kven.42

[Sigurbjörg Eiríksdóttir, 22.2.2010 kl. 16:29]

41! Ekkert smá nettur Jón....ég nota 40....en er ekki soldið seint að auglýsa eftir skóþjófnum Axel....

[Axel Jóhann Hallgrímsson, 22.2.2010 kl. 16:33]

Takk fyrir innlitin.

Það má alltaf reyna Silla. En líklega hafa skórnir mínir líkt og hitt parið minnst við fjóshauginn þannig að.... nei gleymum þessu!

[Jens Guð, 22.2.2010 kl. 17:35]

  Fyrir margt löngu flutti systir mín og hennar fjölskylda til útlanda.  Á þeim tíma var allt miklu ódýrara í útlöndum.  Mágur minn átti svokallaða spariskó sem voru á siðasta snúningi.  En hann vildi ekki endurnýja skóna fyrr en kominn til útlanda.

  Einn sunnudag voru þau systir mín með opið hús, því þau vildu selja íbúð sína.  Um kvöldið uppgötvaði mágur minn að skórnir hans voru orðnir splunkunýir.  Sama tegund,  sama stærð.  Aldrei heyrðist meira frá þeim sem hafði þarna í ógáti skipt um skó.  Sá hefur orðið hissa á hvað skórnir hans entust stutt.

[Axel Jóhann Hallgrímsson, 22.2.2010 kl. 17:55]

Takk fyrir þetta Jens.

[Ólafur Ingi Hrólfsson, 23.2.2010 kl. 15:05]

Ismalda Marcos hvað??????