Össur... ég kratinn, kaus í morgun

Ég rölti mér, kl. hálf tíu í morgun, yfir götuna á skrifstofu Sýsla og kaus utankjörfundar um breytinguna á Icesavelögunum.

Ég ætla eftir sem áður að greiða atkvæði á Laugardaginn. En gott að vera búinn að koma atkvæðinu í hús, detti ég dauður niður fyrir kjördag.

Auðvitað er það vandalaust, Össur minn, að ná samningum við Breta verði þeir á þeirra forsendum, en til að allir geti borið höfuðið hátt þegar upp er staðið  þurfa samningar að vera sanngjarnir og ásættanlegir fyrir alla aðila hans.

Í lok fyrri heimsstyrjaldar var Þjóðverjum gert að ganga að afarkostum, markmið sigurveranna var að tryggja að Þjóðverjar yrðu ekki aftur ráðandi ríki á meginlandi Evrópu. Þessi kúgun Þjóðverja skapaði þann jarðveg sem ól af sér Hitler og leiddi til síðari heimsstyrjaldar og þeirra hörmunga sem henni fylgdu.

Kúgun leysir engan vanda, hún útvíkkar hann aðeins og eykur. Framkoma Breta við okkur og aðrar þjóðir, sem þeir hafa talið sig eiga alls kostar við, hefur alla tíð verið með þeim hætti að þeir hafa ekki átt það skilið að vera taldir til okkar vina og bandalagsþjóða, enda hef ég alla tíð haft á þeim skömm.

Þótt ég telji að við berum ákveðna ábyrgð á icesave ógeðinu þá neita ég alfarið að gera það á forsendum og skilmálum Breskrar kúgunarhugsjónar.

Því sagði ég:

.

Nei!

 

 

Utanríkisráðherra bjartsýnn

Athugasemdir

[Sigurbjörg Eiríksdóttir, 3.3.2010 kl. 11:54]

Minn maður.. Eftir því sem tíminn hefur liðið hef ég orðið ákveðnari í NEI-inu.

Það er svo augljóslega verið að kúga okkur.

Kveðja.

[Ásdís Sigurðardóttir, 3.3.2010 kl. 12:02]

[Axel Jóhann Hallgrímsson, 3.3.2010 kl. 12:06]

Takk fyrir þetta elskurnar!

[Árni Gunnarsson, 3.3.2010 kl. 12:30]

Mæltu nú manna heilastur. Ætli ég fari ekki að dæmi þínu í dag

En það er fleira í þessu. Ef við meinum eitthvað með því að krefjast breytinga á stjórnarskránni með styrkingu lýðræðisins í huga þá getum við ekki hundsað þetta tækifæri.

Sama gildir um þátttökuna. Verði þátttaka dræm og fólk á báðum áttum þá slævist bitið í þessari atkvæðagreiðslu. Munum að fjórflokknum stendur ógn af þessu og það vekur upp spurninguna:

Af hverju?

[hilmar jónsson, 3.3.2010 kl. 12:33]

Flott, þú sem sagt áttar þig á því hvað er verið að kjása um... Ég er eiginlega á gati..

[Axel Jóhann Hallgrímsson, 3.3.2010 kl. 12:55]

Satt er það Árni þetta er fyrsti vísir um útvíkkun lýðræðins frá stofnun þess. Vonandi er mjór mikils vísir. Ég hugsa að þátttakan verði góð. Hvað sem fjórflokknum svokallaða líður þá mun þetta gerbreyta allri lýðræðisumræðu. Svo ekki sé talað um þá alþjóðaumræðu sem þessi þjóðaratkvæðagreiðsla virðist vera að hrinda af stað. Úr því sem komið er þá gerum okkur að fíflum ef við sláum við hana af, hversu marklaus hún kann að vera á því augnabliki sem hún fer fram.

[Axel Jóhann Hallgrímsson, 3.3.2010 kl. 13:07]

Hilmar, jú mikilósköp ég átta mig á því, en miklar breytingar hafa átt sér stað síðustu daga. Þetta er hætt að snúast um, að því er vitrist, einfalda greiðslu á gjalddaga. Þetta er orðið dýpra og meira.

Eins og ég sagði í svari til Árna þá höfum við í hendi okkar þræði sem varða lýðræðislega úrvinnslu á svipuðum málum á alþjóðavettvangi.  Því tækifæri megum við ekki kasta frá okkur og þeirri alþjóðaumræðu sem þessi þjóðaratkvæðagreiðsla virðist vera að hrinda af stað.