Mulnigur #8

Margar sögur eru til af því hve Sovéska kerfið var rotið meðan það var og hét. Hér er ein.

Maður einn hafði bækistöð í Gorkigarðinum í Moskvu og stóð þar daglangt og seldi ónýtar ljósaperur . Þær voru orðnar svartar að innan og hringlaði í þeim væru þær hristar.

Rússarnir keyptu þessar perur og fóru með þær í vinnuna þar sem þeir skrúfuðu heilar perur úr perustæðum og settu þær ónýtu í staðinn. Heilu perurnar fóru þeir með heim og voru þar komnir með heilar perur fyrir lítið.

Húsvörðum sem skiptu um perur, var ljóst að sprungnu perurnar voru ekki þær sem þeir voru nýbúnir að skipta um, en þeim var alveg sama því þeir fóru með sprungnu perurnar og seldu þær manninum í Gorkígarðinum.

 

Athugasemdir

[Sigurbjörg Eiríksdóttir, 5.3.2010 kl. 21:33]

Þessi var góður. Fer ekki að koma að þessu hjá okkur?

[Axel Jóhann Hallgrímsson, 5.3.2010 kl. 21:38]

Þú hefur þá ekki farið í Hljómskálagarðinn nýlega Silla?

[Sigurbjörg Eiríksdóttir, 5.3.2010 kl. 22:00]

Nei?

[Axel Jóhann Hallgrímsson, 5.3.2010 kl. 22:02]

Bara "joke"