Akstur á baðströnd er álíka vanhugsað og sólböð á hraðbrautum.

Þetta var hörmulegt slys og algerlega ófyrirgefanlegt því vel hefði mátt forða því. Svo undarlega sem það hljómar þá er akstur bíla leyfður innan um flatmagandi fólk á Daytona ströndinni, sem er álíka vitlaust og leyfa sólböð á hraðbrautum.

.

Kanarnir eru með þeim ósköpum gerðir  að vera nánast bjargarlausir, geti þeir ekki notað bílinn til allra hluta, mottóðið er að þurfa sem minnst að fara út úr bílnum, það er drive-inn þetta og drive-inn hitt.

Þó ég hafi ekki enn séð drive- inn klóset,  þá er það örugglega til í henni Ameríku.

Ók yfir stúlku á ströndinni

Athugasemdir

[Sigurbjörg Eiríksdóttir, 21.3.2010 kl. 17:09]

Já, það er mikið rétt. Drive inn þetta og hitt. Ég hef komið á þessa strönd. Bara ótrúlegir í þessum efnum Kanarnir. Reyndar varð ég ekkert vör við bíla..

[Axel Jóhann Hallgrímsson, 21.3.2010 kl. 17:12]

Meðfylgjandi myndir eru frá ströndinni og ekki vantar bílana á þær. Önnur myndin er raunar  komin nokkuð til ára sinna.

[Sigurbjörg Eiríksdóttir, 21.3.2010 kl. 17:18]

Já ég sá þetta..bara hissa samt..

[Gunnar Heiðarsson, 21.3.2010 kl. 17:20]

Sá einmitt þarna í Daytona drive-inn church. Alveg magnað.

[Hamarinn, 21.3.2010 kl. 17:51]

Kanarnir bjargarlausir án bíla. Það má vel vera rétt.

En hefur þú tekið eftir íslendingunum. Þeir þurfa helst að fara á bílum sínum inn í búðirnar. Ég held að við getum nú ekki sagt mikið.

[Sigurbjörg Eiríksdóttir, 21.3.2010 kl. 17:52]

Við Axel göngum mikið með hundana okkar;)

[Axel Jóhann Hallgrímsson, 21.3.2010 kl. 18:14]

Hamrainn, já því er ekki að neita að hér á landi njóta bílastæði fatlaðra almennra vinsælda, enda yfirleitt staðsett næst inngangi verslana.

[Einar Steinsson, 21.3.2010 kl. 18:17]

Íslendingar eru lítið betri.

[Axel Jóhann Hallgrímsson, 21.3.2010 kl. 18:20]

Silla, það er eins gott að hann Bangsi sjái  þetta ekki, því honum þætti að sér vegið. Hann er haldin þeirri firru að hann fari út að labba með mig.

[Axel Jóhann Hallgrímsson, 21.3.2010 kl. 18:27]

Jú, jú Einar, við komumst ekki með tærnar þar sem Kanarnir hafa hælana í ást sinni á bílum.

[einar sigurdsson (IP-tala skráð) 22.3.2010 kl. 00:26]

Það er kannski rétt að geta þess í sögulegum skilningi að Daytona Beach kappaksturinn fór að hluta til fram á ströndinni sjálfri ca. 3km á árum áður og kannski kemur þar þessi arfleið að keyra þarna. Mér fannst skrítið að liggja í sólbaði og sjá jeppa/bíla  aka um en þetta er hefðin.

[Sigurður Geirsson (IP-tala skráð) 22.3.2010 kl. 10:21]

Annars ferst okkur íslendingum að gagnrýna bandaríkjamenn í leti sinni og viðleitni til að losna við að hreyfa sig, sem þeir fela svo bak við ást sína á bílum. Eða hafið þið skoðað aðkomuna að líkamsræktarstöðvunum. Það eru staðir þar sem fólk fer TIL AÐ HREYFA SIG, þannig að maður skyldi þá ætla að fólk myndi hafa það í huga þegar það er að fara þangað. En nei ekki aldeilis. Bílunum er lagt sem allra, allra, allra, allra næst inngöngunni að líkamsræktarstöðinni, þannig að þeim er iðulega lagt kolólöglega upp á gangstéttum og út og suður, og jafnvel til trafala fyrir aðra umferð. Allt til þess eins að sleppa við að hreyfa sig of mikið og þurfa að ganga sem allra styst inn á líkamsræktarstöðina, þar sem viðkomandi ætlar að fara að hreyfa sig.

Ég meina er þetta fólk algerlega fyrirmunað að hugsa aðeins????

[Unnar Már Magnússon (IP-tala skráð) 22.3.2010 kl. 11:12]

Það er leyft að aka á hluta af ströndinni og er hraðatakmörk 10 mph / 16 kmh. Þannig að þeir sem vilja ekki liggja í námunda við akandi bíla hafa val um að vera á öllum öðrum stöðum á þessari stóru strönd. Ástæða þess að leyft er að aka á þessari strönd er eins og Einar S. hefur bent á að þar er komin löng og mikil hefð fyrir kappakstri á bílum og hjólum. http://en.wikipedia.org/wiki/Daytona_Beach,_Florida

[Axel Jóhann Hallgrímsson, 22.3.2010 kl. 12:48]

Hefð getur ekki ýtt skynsemi til hliðar. Ef almennt væri litið svo á þá væri ekki hægt að banna eða takmarka reykingar því hefð væri komin á að svæla og púa framan í náungann hvar og hvenær sem er.