Að þekkja frægan mann

Það er öllum bæði hollt og nauðsynlegt að eiga góða vini því vinafátækt er eina raunverulega fátæktin.

 Því hlýtur öll þjóðin, rétt eins og ég að vera afskaplega glöð að Gerard Butler, hver sem það nú er,  skuli vilja vera vinur Ólafs Darra svo ekki sé talað um þá Ingvar, Hollýfara og Gísla.

Ólíkt eru erlendir álitlegri sem vinir en flatur mörlandinn, svo ekki sé nú talað um ef vinurinn er frægur eða „stjarna“ í ofanílag og ekki skemmir ef hann er líka illahaldinn af Íslandsvináttu. Þá má í kokteilinn blanda þjóðernisrembingi og dassi af monti. Vandi að toppar það.

Ooh,  svo verðum við venjulega fólkið að gera okkur að góðu að þekkja bara Jón og Gunnu í næsta húsi, fólk sem er alveg jafn óáhugavert og maður sjálfur.

Fúlt.

  

Góður vinur Gerard Butler síðan í Bjólfskviðu

Athugasemdir

[Hamarinn, 26.3.2010 kl. 14:37]

Ég þekki nokkra norðmenn sem hingað hafa komið (íslandsvinir) og þeim þykir vænt um landið og okkur, en af hverju er ekki sagt frá því.

Þvílík frétt.

[Ásdís Sigurðardóttir, 26.3.2010 kl. 15:58]

Ég á útlenda vini sem hafa heimsótt mig, reyndar ekki heimsfræga en jafn gaman fyrir mig.

[Geiri (IP-tala skráð) 26.3.2010 kl. 16:30]

Hamarinn: Vegna þess að sú frétt myndi aldrei komast í topp 5 lesnu fréttirnar.

Morgunblaðið er að svara eftirspurn með þessari frétt.