Sekur, sekari.....

Auðvitað er það satt hjá Jóni Ásgeiri að menn verða að gæta að því hvað þeir segja. En Jón Ásgeir gleymdi að menn verða líka að gæta að því hvað þeir gera.

Það getur vart verið annað er greindarskortur hjá Jóni, haldi hann að með greinarkorni sem þessu, geti hann  á þessum tímapunkti, breytt almenningsálitinu sér í vil.

En ég hygg að Jón hafi, við ritun greinarinnar, haft í huga orð formanns eins stjórnmálaflokksins sem, í vikunni,  setti fram tölusettar leiðbeiningar hvernig almenningi bæri að lesa skýrslu Rannsóknarnefndar Alþingis, svo menn færu ekki að ergja sig um of á gjörðum þeirra seku.

Biður Steingrím að gæta orða sinna

Athugasemdir

[Ólafur Ingi Hrólfsson, 10.4.2010 kl. 14:25]

Það sem Bjarni setti fram voru þarfar ábendingar - lesa - hugsa - og tala svo -það sem Jón setur fram er illa dulbúin hótun.

Sekur - sekari - Jón Ásgeir.

Hvernig var þetta allt með 940 milljarðana??

[Axel Jóhann Hallgrímsson, 10.4.2010 kl. 14:42]

Ekki spyrja mig væni, ég er ekki málsvari eins né neins. Það er víða pottur brotinn, hver á tiltekinn pott á ekki að skipta máli, er það Ólafur?

[Guðmundur St Ragnarsson, 10.4.2010 kl. 14:45]

Það fer Jóni Ásgeiri betur að þegja.

[Axel Jóhann Hallgrímsson, 10.4.2010 kl. 14:51]

Það segir þú satt Guðmundur, hann halaði ekki inn prik á þessu, svo mikið er víst.