Skítlegt eðli.

Það er mat rannsóknarnefndarinnar að ríkisstjórn Sjálfstæðisflokks og Framsóknar hafi ítrekað gert mörg afdrifarík hagstjórnarmistök og það sem furðu vekur, gert þau með fullri vitund.

Gengið var á svig við settar reglur og vandaða starfshætti þegar bankarnir og önnur fyrirtæki voru einkavædd. Oftrú ríkti á eftirlitsleysi með fjármálakerfinu.

Algert úrræða- og stjórnleysi  ríkti hjá ríkisstjórn Sjálfstfl. og Samfylkingar allt frá því fyrstu sjúkdómseinkenni bankanna komu fram og þar til sjúklingurinn gaf upp öndina.

Svo virðist sem Seðlabankinn hafi beðið eftir aðgerðum ríkisstjórnarinnar og hún beðið eftir aðgerðum bankans.  Fjármálaeftirlitið var bastarður og hornreka í kerfinu og ekki vanda sínum vaxinn.

Nefndin telur að  ráðherrarnir   Geir H. Haarde, Árni M. Mathiesen  og Björgvin G. Sigurðsson, seðlabankastjórarnir  Davíð Oddsson, Eiríkur Guðnason og Ingimundur Friðriksson  og forstjóri fjármálaeftirlitsins   Jónas Fr. Jónsson  hafi sýnt af sér vanrækslu í starfi í skilningi laga.

Þessir aðilar létu hjá líða að bregðast við á viðeigandi hátt við yfirvofandi hættu, sem stafaði af versnandi stöðu bankanna.

Þeir og aðrir sem brugðust verða að sæta ábyrgð gjörða sinna, þetta fólk getur bara ekki labbað burt, veifað og sagt bless og takk fyrir!

Tólf gerðu athugasemdir við skýrsluna

Athugasemdir

[hilmar jónsson, 12.4.2010 kl. 12:00]

Þessir flokkar bera sannarlega höfuð ábyrgð Axel.

En Það er líka sláandi hvernig Davíð í hroka sínum hefur látið aðvörunarorð og faglegar ráðleggingar erlendra sérfræðinga sem vind um eyru þjóta.

[Axel Jóhann Hallgrímsson, 12.4.2010 kl. 12:09]

Hann var kóngurinn.

[Brynjar (IP-tala skráð) 12.4.2010 kl. 12:22]

Þessi skýrsla segir ekkert sem menn vissu ekki fyrir.  Persónulega segi ég "get over it" og haldið áfram með líf ykkar og uppbyggingu.  Það er allt á uppleið og heldur betur bjartari tímar framundan, get ekki annað séð amk í mínum bransa.  Vonandi verða engin læti og skemmdarverk vegna þessa og umræðunni lokið þegar við hjúin snúum tilbaka á klakann eftir vetrarfrí á Florida um miðjan mai.

[Axel Jóhann Hallgrímsson, 12.4.2010 kl. 12:53]

Ertu búinn að lesa hana alla Brynjar? Vvvoov þú ert snöggur, ziipp, ziiip--búið!

[Jonni, 12.4.2010 kl. 16:15]

Já, nú þarf bara að drífa þennan Landsdóm af stað og koma sökudólgunum í hús.  Ekkert hálfkák.

[Axel Jóhann Hallgrímsson, 12.4.2010 kl. 16:44]

Já, sammála því Jonni.