Stoppum klámið áður en það....það.....það....!

Öfgatrúarhundar og siðgæðisgærur  þessa lands telja fullsannað  að öll sú óáran sem yfir þjóðina hafa dunið síðustu mánuðina sé klámvæðingunni og nektarfíkn landans um að kenna, ásamt skorti á Guðlegri réttsýni.

Af frumkvæði þeirra er í undirbúningi  lagafrumvarp sem bannar elskendum, sem hafa verið saman skemur en 55 ár, að hátta sig saman nema í myrkri.

Jafnframt verður fólki bannað að sýna sig án fata í sturtum og búningsklefum sundlauga og íþróttahúsa.

Börnum verður  gert skylt að fæðast fullklædd  og þá  í kynlausum fötum.

Skylt verður að halda fyrir augu ungbarna meðan þeim er gefið brjóst til að ofbjóða ekki óþroskaðri  blygðunarkennd barnsins.

Sér í lagi eru sveinbörn viðkvæm fyrir brjóstaglápi, sem getur hæglega dregið fram klámeðlið í þeim síðar á ævinni, því lengi býr að fyrstu gerð.

 

Flestir vilja banna nektardans

Athugasemdir

[Sigurbjörg Eiríksdóttir, 19.4.2010 kl. 16:49]

Góður!

[Jack Daniel's, 19.4.2010 kl. 16:54]

Hehe.

Bara snildlarskot.

[Axel Jóhann Hallgrímsson, 19.4.2010 kl. 17:14]

Takk elskurnar.

[Hamarinn, 19.4.2010 kl. 23:50]

Frábær.  Get ekki kosið þennan flokk út af þessari gæru.

[Ásdís Sigurðardóttir, 20.4.2010 kl. 12:16]