Það er vandlifað þessa dagana.

Ég sé ekki betur en forseti Íslands hafi aftur steypt sér niður á botninn í vinsældaboxinu. Ástæðan er ofur saklaust viðtal við hann í þættinum  Newsnight á BBC í gærkvöldi. 

Þetta viðtal virðist fara ansi illa í marga. Hvað sagði forsetinn svona hættulegt? Sagði hann nokkuð annað en sannleikann og lýsti aðstæðum á raunsannan hátt?

Hefur ekki  öll þjóðin krafist þess undanfarið að fá sannleikann, ekkert nema sannleikann og allan sannleikann upp á borðið í ákveðnu máli?

En þegar forsetinn segir sannleikann um gosið og endurtekur aðeins það sem jarðfræðingar og aðrir fræðingar hafa,  í ljósi sögunnar,  sagt um mögulega þróun atburða í framhaldi gossins verður allt vitlaust.  

Svo er að sjá að fólk krefjist þess að sannleikurinn um gosið verði ekki nefndur frekar en snara í hengds manns húsi. Það gæti kostað pening. Þarf þá ekki að kefla alla vísindamennina?

Er sannleikurinn bara til að græða á honum?

Það er athyglisvert að sjá að margir svarnir andstæðingar forsetans, sem hömpuðu honum og hylltu eftir synjun hans á Icesave, eru farnir að sparka í hann aftur.

Gosið nú lítið annað en æfing

Athugasemdir

[Ásdís Sigurðardóttir, 20.4.2010 kl. 12:21]

[Axel Jóhann Hallgrímsson, 20.4.2010 kl. 12:23]

?

[Jón Snæbjörnsson, 20.4.2010 kl. 13:36]

hann veit þetta allt og svo toppar hann sjálfan sig með mega málgleði  

[Tómas H Sveinsson, 20.4.2010 kl. 13:44]

Verst er þegar málgleðin og montið skaðar þjó'ðina, enn einu sinni

[Axel Jóhann Hallgrímsson, 20.4.2010 kl. 13:55]

Hvað sagði forsetinn sem ekki hefur ítrekað komið fram annarstaðar?

[Tómas H Sveinsson, 20.4.2010 kl. 14:01]

Axel Jóhann. Það er ekki sama hver segir hlutina. Það lendir ekki á forsíðu blaða suður í Ástralíu það sem Magnús Tumi segir. En hins vegar þykir það fréttnæmt þegar forseti lýðveldisns fer að blaðra enn einu sinni. Hvað heldurðu að tekjur ferðaiðnaðarins muni minnka mikið í ár og hugsanlega líka á næsta ári bara vegna þessa blaðurs í manninum. Okkur veitir sko ekkert af þessum hugsanlegu tekjum, eða ert þú á annarri skoðun?

[CrazyGuy (IP-tala skráð) 20.4.2010 kl. 14:08]

Forsetinn var bara að segja sannleikann Tómas! Ekki á hann að ljúga?

[Axel Jóhann Hallgrímsson, 20.4.2010 kl. 14:16]

Það hafa allir fjölmiðlar um allan heim haft gosið sem fyrstu frétt dögum saman og kappkostað að dramasera það eftir mætti.  Ég held að ummæli forsetans breyti þar engu. Tel raunar að þau hafi ekki vakið athyggli að neinu marki nema á Íslandi.

Fjölmiðlar erlendis fjölluðu um Kötlu strax eftir að gosið hófst á Fimmvörðuhálsi og það alveg án aðstoðar forsetans.  Sjá hér.

[Björn Birgisson, 20.4.2010 kl. 14:18]

Stundum er ágætt að þegja bara!

[Tómas H Sveinsson, 20.4.2010 kl. 14:28]

Björn. Sammála. Oft má satt kyrrt liggja.

[Gunnar (IP-tala skráð) 20.4.2010 kl. 14:45]

Forsetinn er því miður ekki að segja neinn sannleika í þessu viðtali heldur að spila á þá athygli sem gosið hefur vakið í nágrannalöndunum. Það er ekkiert sérstakt sem bendir til þess að Kötlugos sé í vændum og enginn getur fullyrt nokkuð um það að það verði stærra eða hafi meiri áhrif en það gos sem nú stendur yfir. Hér talar forsetinn eins og hann hafi einhverja þekkingu á máli sem hann hefur ekki hundsvit á -- og það ekki í fyrsta sinn.

[hilmar jónsson, 20.4.2010 kl. 15:02]

Ólafur hefði frekar átt að höfða til þeirra einstöku hluta sem hér er að finna:

Eldgos, hverir, mögnuð náttúra, sauðkindina fögru osvfr..

Eftir að heimsbyggðin er rétt að ná áttum eftir sjokkerandi framkomu fjárglæframanna, embættismanna og stjórnmálamanna hér, þá má ekki minna vera en að trompa þetta allt með eldgosi sem allri heimsbyggðini mun standa ógn af.

Við förum að verða táknmynd Pure Hell í augum útlendinga.. Æðislegt..

[Axel Jóhann Hallgrímsson, 20.4.2010 kl. 15:04]

Björn, satt er það, en það var búið að segja þetta allt áður og oftar en tölu verður á komið.

[Axel Jóhann Hallgrímsson, 20.4.2010 kl. 15:15]

Það kómíska í málinu er að báðar fylkingar í Icesave - synjunarmálinu grípa  tækifærið að sparka í forsetann.

Vinstrifóturinn sparkar því hann er enn í fýlu og launar honum lambið gráa.

Hægrifóturinn hefur, eftir að hafa lofsungið forsetann og dásamað vegna Icesave, beðið af óþreygju eftir tækifæri til að geta aftur fylgt eðlinu og sparkað í forsetann.