Sóley í túni..., og sláttur er hafinn.

Engin efast um að Hjörleifur Guttormsson sé forkur duglegur og fylgin sér. Sama má líklega segja um Sóleyju Tómasdóttur.

En það er fleira sem Sóley og Hjörleifur eiga sameiginlegt, t.a.m.  eru persónutöfrar þeirra beggja fullkomin flatneskja.  Svo eru þau bæði gersamlega sneydd því sem hverjum stjórnmálamanni er bráðnauðsynlegt, sem er hæfileiki til þess að laða fólk til fylgis við skoðanir sínar, hvort heldur þær eru góðar eða slæmar.

Fylgi Alþýðubandalagsins á Austfjörðum var í beinu línulegu falli frá því að Hjörleifur bauð sig fyrst fram og þar til hann hætti. Sóley er öllu afkastameiri en Hjörleifur að reyta af sér fylgið, ef eitthvað er.

Sem er kostur út af fyrir sig, þá tekur þetta fyrr af.   

 

Oddviti VG á kjörstað

Athugasemdir

[Kristbjörn Árnason, 29.5.2010 kl. 12:59]

Þetta lesa síðan barna börnin þín og fallegt er það aflestrar

[Jóhann Elíasson, 29.5.2010 kl. 13:12]

Alveg sammála þessari færslu þinni, en alveg er það stórmerkilegt hvað mönnum er illa við að lesa og heyra sannleikann, eins og virðist vera með hann Kristbjörn Árnason.

[Axel Jóhann Hallgrímsson, 29.5.2010 kl. 13:16]

Óh, þetta máttir þú ekki segja Kristbjörn, ég er svo afskaplega veikur fyrir skjalli.

[Axel Jóhann Hallgrímsson, 29.5.2010 kl. 13:17]

Takk fyrir innlitið og undirtektir, Jóhann.

[Árni Gunnarsson, 29.5.2010 kl. 14:56]

Og ég sem var alveg að því kominn að kjósa V listann vegna kjörþokka Sóleyjar!

Nú er ég farinn að efast.

[Axel Jóhann Hallgrímsson, 29.5.2010 kl. 15:07]

Bjargað í horn, Árni?