F y r i r g e f ð u Björgólfur , f y r i r g e f ð u !

Ég sé ekki betur en þjóðin þurfi að biðja Björgólfana afsökunar á að hafa nánast gefið þeim feðgum Landsbankann. Biðja þá afsökunar á að hafa lánað þeim fyrir kaupunum að hluta úr Búnaðarbankanum og ljúga því að allt féð kæmi erlendis frá.  Biðja þá afsökunar á að leyfa þeim að ræna bankann innanfrá og biðja þá afsökunar á Icesave.

Það er magnað að sjá fíflið segja að þeir hafi viljað losna við Sigurjón Þ. Árnason úr bankanum en þeir hafi ekki farið út í það, því það hafi verið svo flókið!  Ha, ha,ha!

Þeir létu ekkert stoppa sig þessir svíðingar í einu eða neinu eygðu þeir einhverstaðar hagnaðarvon. Það var þeirra aðall að gera sínar fjárfestingar eins flóknar og kostur væri með þvers og kruss og fram og aftur fjárfestingum í þeim tilgangi einum að flækja málið fyrir skattayfirvöldum.

Björgólfur getur borið fyrir sig meintu áhugaleysi á fjárfestingum á Íslandi en það gerir hann vitandi að þjóðin vill aldrei sjá hann aftur eða hans peninga.

Gagnrýnir einkavæðinguna

Athugasemdir

[Ingibjörg Guðrún Magnúsdóttir, 29.7.2010 kl. 09:33]

Er Steingrímur Fjármálaráðherra ekki ný búinn að gefa þessum manni Ríkisábyrð fyrir hlut sínum í þessu gagnaveri suður með sjó... Ríkisábyrgð í gegnum Landsbankann sem þýðir bara eitt fyrir okkur hærri skattar....

[Axel Jóhann Hallgrímsson, 29.7.2010 kl. 09:46]

Ég segi nú bara eins og sagt var í Háskólabíói forðum - Steingrímur er ekki þjóðin.

[Guðmundur Ásgeirsson, 29.7.2010 kl. 10:40]

Það er kjaftæði að Björgólfur hafi ekki haft nein afskipti af rekstri Landsbankans. Hið sanna er að þar réð Björgólfur lögum og lofum, sá eldri það er að segja. Nú er hann gjaldþrota og því langsótt að draga hann til einhverrar ábyrgðar svo máli skipti. Þetta er snilldarflétta hjá þeim feðgum.

[Axel Jóhann Hallgrímsson, 29.7.2010 kl. 10:51]

Nákvæmlega, Guðmundur