Hver á og hver má?

Evrópusambandið og Noregur  íhuga að beita okkur Íslendinga þvingunum vegna veiða okkar á Makríl í okkar eigin fiskveiðilögsögu, því þeir segjast alfarið eiga þennan flökkufisk.  

Ef þessar þjóðir eiga þennan fiskistofn, þá hljóta þeir að sama skapi að bera ábyrgð á honum og ættu því, í stað þess að vilja meina okkur að grípa til varna og veiða úr stofninum, að greiða okkur skaðabætur fyrir innrás hans í Íslenska fiskveiðilögsögu, hvar hann étur allt sem að kjafti kemur.

Íhuguðu að banna innflutning

Athugasemdir

[Heimir Lárusson Fjeldsted, 6.8.2010 kl. 08:11]

Góð athugasemd Axel!

[Friðrik I Jóhannsson (IP-tala skráð) 6.8.2010 kl. 09:13]

Sjávarhiti við Ísland hefur hækkað. 

 Makríllinn kemur í kjölfarið. 

Sjávarhiti hækkar vegna hlýnunar andrúmsloftsins. 

Andrúmsloftið hlýnar vegna gróðurhúsaáhrifa, þ.e. vegna aukins Co2 í andrúmsloftinu.

Evrópusambandsríkin og Bandaríkin bera mesta ábyrgð á auknu Co2 og fleiri "gróðurhúsalofttegunda".

Norðmenn hagnast á olíu og gasvinnslu, þ.e. hráefninu í Koltvísýringinn.

Makríllinn "flakkar" því ekki til okkar.  Hann er sendur.

Við tökum því aðeins á móti "innrásinni", eins og okkur lætur best.

[Axel Jóhann Hallgrímsson, 6.8.2010 kl. 09:37]

Makríllinn er eins og hver annar innrásarher. Við hljótum að snúast til varnar og hrekja  hann af höndum okkar eða handsama hann. Er það ekki venjan hjá siðuðum þjóðum?

[ks (IP-tala skráð) 6.8.2010 kl. 11:41]

Góður!:))