Ein skitin áminning og málið dautt?

Áminning var allt og sumt sem heilbrigðisnefnd Suðurlands taldi viðeigandi þrátt fyrir að umrætt fyrirtækið hafi áður orðið uppvíst að sama hátterni.

Að dæla saur og seyru ofaní vatnsverndarsvæði er eitthvað sem á ekki að vera hægt að leysa með  óó,  úps, afsakið!  

Frá mínum bæjardyrum séð hefðu starfsmenn fyrirtækisins allt eins getað farið inn í bústaðina á svæðinu og gert þarfir sínar í beint í drykki og mat bústaðareigenda.  

Sóðarnir hefðu að líkum getað róað heilbrigðisnefnd Suðurlands að loknu verki með því að segja um leið og þeir kláruðu að renna upp;  Úps afsakið!

 

Saurmengað vatn á Þingvöllum

Athugasemdir

[Björn Birgisson, 19.8.2010 kl. 18:46]

Axel Jóhann, þetta mál er með ólíkindum ógeðslegt og auðvitað á að svipta þetta fyrirtæki starfsleyfi og dæma það til hárra sekta. Sem verður kannski gert, því sumarhúsafólkið í grenndinni hyggst kæra þetta framferði.

Ég velti fyrir mér hvers vegna fyrirtækið lét starfsmenn sína gera þetta nú, sem að líkindum oft áður. Er verið að spara sér akstur á réttan losunarstað?

[Axel Jóhann Hallgrímsson, 19.8.2010 kl. 19:21]

Fyrirtækið er að stytta sér leið Björn, ekki vafi. Það verður ekki grófara en þetta,  að dæla upp úr rotþrónum og losa það svo út í umhverfið við hliðina á þeim. Og eins og þú segir Björn að líkum ekki í fyrsta sinn sem það er gert.

[Jónatan (IP-tala skráð) 19.8.2010 kl. 21:18]

Er sammála ykkur um að svipta ætti fyrirtæki starfsleyfi með því sama. Ekkert "second chance" hérna. Það var ekkert "óvart" við þetta.

[Ásdís Sigurðardóttir, 19.8.2010 kl. 21:19]

Þetta er með öllu óskiljanlegur gjörningur, hvað eru menn að hugsa.

[Axel Jóhann Hallgrímsson, 19.8.2010 kl. 21:21]

Skítlegt eðli.