Mjólkurbörnin miklu

Það hefði verið gott að hafa kusuna Örk frá Egg í Hegranesi á bás um borð í Örvari HU 21, fyrsta frystitogara landsmanna. Áhöfnin, sem taldi 24 hausa, sporðrenndi þegar best lét á  milli 450 og 500 lítrum af mjólk í hverjum túr, sem tók að jafnaði um 21 dag, sem samsvarar tæpum lítra á dag á mann.

Örk hefði annað okkur mjólkurbörnunum öllum með glæsibrag og við hefðum átt um 16 daglítra í afgang til osta og smjörgerðar. Svo ekki sé talað um þá ánægju sem það hefði fært mannskapnum að annast slíka þarfaskepnu.

  

Íslandsmet hjá Örk

Athugasemdir

[Baldur Ragnarsson (IP-tala skráð) 26.8.2010 kl. 21:48]

Borgarbarnið ég var afskaplega hrifin af fjósamjólkinni þegar ég var sendur í sveit sem krakki. Svo hrifin, raunar, að þegar á mölina var komið heimtaði ég að fjölskyldan fengi sér belju.

Vistunarstaður hennar átti vitanlega að vera á svölunum í blokkinni!

[Axel Jóhann Hallgrímsson, 26.8.2010 kl. 21:52]

Góður, Baldur!