Forsmekkurinn að því sem koma skal?

Haustið er vart komið og Landeyjarhöfn er nánast ófær fyrir Herjólf tvo daga í röð. Vonandi verður þetta ekki viðvarandi ástand.

Líklegt verður samt að telja að ástandið muni ekki lagast þegar líður á veturinn og veður verða virkilega válind.  Höfnin, samgöngubótin í sandkassanum, kann að verða ónothæf meira og minna í vetur.

Næsta ferð Herjólfs í kvöld

Athugasemdir

[Þorvaldur Guðmundsson, 4.9.2010 kl. 16:13]

Eg er bara alveg handviss um tad Axel eftir ad hafa stundad sjo a tessum slodum i mørg ar ad Landeyjarhøfn verdur tvi midur mynnisvardi um heimskulega framkvæmd og fjarfestingu um okomin ar.

[Axel Jóhann Hallgrímsson, 4.9.2010 kl. 16:18]

Því miður þá óttast ég það sama Þorvaldur

[Hrólfur Þ Hraundal, 4.9.2010 kl. 17:17]

Það er þá reynt þegar reynt er, en svartsýnis menn og rolur reyna aldrei neitt.  Hefði svo verið alla tíð þá væru menn ekki til.

[Axel Jóhann Hallgrímsson, 4.9.2010 kl. 17:37]

Þú telur sem sagt Hrólfur, að allar efasemdir um að hún gangi upp þessi milljarða tilraun í sandkassanum séu sprottnar af svartsýni og roluskap.

Var það þá ekki svartsýni og roluskapur þegar sumir höfðu kjark og þor til að vara við taumlausri bjartsýni landans í útrásinni og bankaævintýrunum?

Það er vandalaust í fjárfestingum og framkvæmdum að vera bjartsýnn og djarfur meðan höndlað er með annarra manna fé. Ég er viss um að allir þeir sem framgöngu höfðu í þessu lotteríi á sandinum hefðu ekki verið jafn upplitsdjarfir, hefðu þeir þurft að hætta sínu eigin fé í þetta ævintýri.

Hvað  heldur þú Hrólfur?

Ég er líka viss um að menn verða enn til þegar þetta mannvirki í sandkassanum er horfið sjónum....í sandinn.