Þetta verður ekki þægilegt fyrir Samfylkinguna.

Það var dapurlegt að horfa upp á þá sjokkerandi staðreynd að nokkrir þingmenn Samfylkingarinnar mátu sekt fjórmenningana eftir pólitík. Það verður þeim til lítils sóma og  verður trúlega þungamiðja umræðunnar næstu vikur, en sú staðreynd að helmingur þingmanna gat ekki staðið í lappirnar og sinnt sinni skyldu, mun falla algerlega í skuggann. Skítlegt eðli liggur mér við að kalla þetta.

Nefnt hefur verið að ekki sé sanngjarnt að Geir sé ákærður en hin sleppi, það eru auðvitað ekki gild rök. Ekkert réttarkerfi væri starfandi í landinu væri það megin reglan. Það er ekki hægt að horfa framhjá þeirri staðreynd að Geir, sem forsætisráðherra bar mesta ábyrgð ráðherrana, þó fleiri ættu vissulega erindi á sakamannabekkinn, bæði úr hans ríkisstjórn og þá ekki síður þeim ríkisstjórnum sem á undan fóru.

Þægileg lausn fyrir Samfylkinguna

Athugasemdir

[Guðmundur (IP-tala skráð) 28.9.2010 kl. 19:27]

Það er náttúrulega alveg ljóst að flestir þingmanna eru vanhæfir til að taka ákvörðun í þessu máli. Mjög margir hafa beinlínis lýst því yfir hversu erfitt sé að taka ákvörðun vegna margskonar tengsla við fjórmenningana.

Það er náttúrulega ljóst að þetta landsdómskerfi er gamaldags og beinlínis til þess fallið að virka alls ekki. Auðvitað eiga mál ráðherra að fara sömu leið og annarra sem brjóta af sér þ.e. í gegnum dómskerfið sem við lýði er í landinu.

Það á að vera miklu auðveldara að leggja fram kæru gegn ráðherrum, sem væru metnar af "hlutlausum aðilum" (þeir eru sjálfsagt ekki til hér á landi) sem síðan myndu leggja fram kæru ef tilefni gæfu til. Slíkt myndi veita ráðherrum og öðrum miklu meira aðhald til að sinna vinnunni sinni af kostgæfni.

[Axel Jóhann Hallgrímsson, 28.9.2010 kl. 19:33]

Það þarf að endurskoða Landsdóm og hvernig ákærur verða matreiddar. Alþingismenn eru auðvitað ófærir um að ákæra í eigin sök.

[hilmar jónsson, 28.9.2010 kl. 19:41]

Ég spyr eins og einn bloggari: Af hverju ekki fjögur já eða fjögur nei. Er ekki meiri heiðarleiki í því ?

Ég sé ekki mikinn eðlismun á sekt fjórmenninganna, en ég les mikla hræsni og aumingjagang út úr því hvernig SF og D greiddu atkvæði.

[Axel Jóhann Hallgrímsson, 28.9.2010 kl. 19:59]

Margir hafa sagt að ekki sé sanngjarnt að ákæra Geir en hin sleppi. Það var líka sagt um fjórmenningana að ekki væri sanngjarn að ákæra þau en aðrir sem ábyrgðina báru bæði í ríkisstjórn Geirs og fyrri stjórnum sleppi. Ef þetta sjónarmið væri almennt meginreglan þá væri ekkert réttarkerfi.