Endurkoma, í hvers umboði?

Ég hafði frá fyrstu tíð, eftir að Björgvin G. Sigurðsson kom inn á þing, mikla trú á manninum og taldi að hann yrði innan skamms tíma einn af helstu forystumönnum Samfylkingarinnar, ef ekki  topp maðurinn sjálfur.  En nú hafa skipast þau veður í lofti, með réttu eða röngu, að svo getur ekki orðið, um sinn hið minnsta.

Björgvin vék af þingi ásamt Þorgerði Katrínu Gunnarsdóttur og Illuga Gunnarssyni eftir að ávirðingar í þeirra garð komu fram. Þorgerður hefur þegar snúið aftur á þing, Björgvin hefur boðað komu sína á föstudaginn en ekkert hefur frést af áformum  Illuga enn sem komið er.

Endurkoma Þorgerðar og núna Björgvins er forkastanleg og fráleitt að vilja kjósenda þeirra.

Það er mín skoðun að öll þrjú hefðu átt að bíða af sér þetta kjörtímabil en falast eftir endurnýjuðu umboði kjósenda í næstu kosningum. Endurkoma þeirra eftir kosningar tæki af allan vafa um umboð þeirra.

En eins og staðan er núna eru þau umboðslaus í augum kjósenda, hvað svo sem þau sjálf telja.

Björgvin kemur aftur inn á þing

Athugasemdir

[hilmar jónsson, 29.9.2010 kl. 20:57]

Amen...

[Axel Jóhann Hallgrímsson, 29.9.2010 kl. 21:15]

Hilmar, það hefði verið miklu betra fyrir Björgvin, Ingibjörgu og Árna Matt að sitja við hlið Geirs á sakamannabekknum og fá sýknudóm í Landsdómi og koma með hreina æru út úr málinu en að burðast ævilangt með hugsanlega sekt í farteskinu.

Þó er eitt fyndið í þessu, Sjálfstæðisflokkurinn tryggði með undarlegri afstöðu sinni að Geir H. Haarde situr einn á sakamannabekknum. Það ætti að vera Valhallarbúum verðugt umhugsunarefni um hve alvarleg forystukreppan er í flokknum þrátt fyrir "glæstan" formanninn.

[hilmar jónsson, 29.9.2010 kl. 21:21]

Hehe...

[Sigurður Haraldsson, 29.9.2010 kl. 23:10]

Samála Axel.