Tær snilld.

Atvinnustefna VG á Suðurnesjum er einhver framsæknasta atvinnustefna sem sést hefur í áratugi. Það er gríðarlega framsækið og atvinnuskapandi að flytja starfsemi Landhelgisgæslunnar  á milli staða.

Það undarlegasta við þessa tæru og einföldu snilld er að enginn skuli hafa fyrr komið auga á jafn einfalda og byltingarkennda lausn á atvinnuleysinu.

Hugvits- og mannvitsbrekkunum í VG verður seint fullþakkað framsýni þeirra, eljusemi  og forysta í atvinnumálum Íslendinga á þessum síðustu og verstu tímum.

En í þessu eins og svo mörgu öðru er hætt við að vanþakklæti verði heimsins laun.

Vilja fangelsi á Suðurnesin

Athugasemdir

[Andrés (IP-tala skráð) 16.10.2010 kl. 22:17]

Á svo að halda áfram að keyra fanga austur í einangrun og gæsluvarðhald og aftur í bæinn i yfirheyrslur og svo tilbaka.

[Aðalsteinn Agnarsson, 16.10.2010 kl. 22:26]

Þetta fólk er ekki með fullu viti, það vantar mikið upp á það, enn og aftur,

Axel minn, frjálsar handfæraveiðar leysa allan atvinnuvanda Íslendinga!!!

[Axel Jóhann Hallgrímsson, 16.10.2010 kl. 22:30]

Ég átta mig ekki á því Andrés, hvers vegna hefur ekki verið komið upp á lögreglustöðinni á Hverfisgöru tveim til þrem klefum sem uppfylla gæsluvarðhalds kröfur, það hlyti að borga sig á skömmum tíma.

[Axel Jóhann Hallgrímsson, 16.10.2010 kl. 22:33]

Fyrir einhverja gerðu þær það Aðalsteinn, ég efa það ekki. En mér væri alveg sama þó handfærarúllur kæmu aldrei fyrir mín augu.

[Ólafur Ingi Hrólfsson, 17.10.2010 kl. 10:02]

Ertu sjóveikur Axel - eða orðinn eins og margir Íslendingar - svo fínn að þú getir ekki snert fisk?

[Axel Jóhann Hallgrímsson, 17.10.2010 kl. 11:03]

Ég er alin upp í slori og var á sjó í 14 ár Ólafur, mér þykir handfæraveiðar einungis afspyrnu leiðinlegur veiðiskapur.