Hefur einhver lifað það af, að vera sveltur til bana?

Það er margt sem bendir til þess að við höfum þegar náð botni kreppunnar. En það er skammgóður vermir að vita, því á botninum munum við sitja meðan stjórnvöld hindra að lífi verði blásið í atvinnulífið. Aukin atvinna er það eina sem getur komið landinu aftur á flot. Við getum aðeins unnið okkur út úr vandanum en aldrei svelt okkur út úr honum.

Þó álver sé ekki óskadraumurinn, þá er staðan einfaldlega þannig að nauðsyn verður að brjóta lög. Það verður nægur tími og mun betri staða eftir kreppuna til að snúa sér að öllum fallegu draumunum.  Það er líklegt að með byggingu álversins í Helguvík færu 1000 manns hið minnsta af framfærslu ríkisins og færu úr því að þiggja í það að gefa af sér.

Beinn sparnaður fyrir ríkið í atvinnuleysisbótum og sköttum af hinum vinnandi væri hið minnsta 3 milljarðar á ári en þá er ótalinn öll gjöld og aðrar tekjur ríkisins af byggingu álversins. Með þessum sparnaði næðist helmingurinn upp í boðaðan niðurskurð í heilbrigðiskerfinu. Annað álver á Bakka við Húsavík myndi loka þessu vandamáli.

Ekki fer á milli mála hvor stjórnarflokkana stendur á bremsunni.  Nú er bara spurningin þessi; eru Vinstrigrænir tilbúnir og viljugir að fórna heilbrigðiskerfinu í landinu til þess ná því markmiði sínu að koma í veg fyrir frekari byggingu álvera á Íslandi?

Meðan ekkert gerist hlýtur svarið að vera JÁ!  

Hitler karlinn náði að fækka verulega bækluðum, vangefnum og öðrum hornreka hópum þjóðfélagsins. Hann lét einfaldlega keyra þeim í gasofnana og málið var leyst í bili. Ég sé ekki betur en þessi sveltistefna í heilbrigðiskerfinu á Íslandi sé í grunnin sama aðferðin, þó útfærslan sé önnur. Íslenska aðferðin hlýtur óhjákvæmilega að leiða til sömu niðurstöðu og hjá Hitler, sjúklingunum fækkar.

Erum að ná botninum

Athugasemdir

[Kristján Jón Blöndal (IP-tala skráð) 21.10.2010 kl. 17:28]

Þetta er nákvæmlega svona Axel,Ríkisstjórnin fellur fyrir áramót,að óbreyttu.

[Ingibjörg Axelma Axelsdóttir, 21.10.2010 kl. 18:17]

Og við taka sömu helvítis skussarnir.

[Óskar Guðmundsson (IP-tala skráð) 21.10.2010 kl. 18:34]

Skussar taka við af tossum....

[Axel Jóhann Hallgrímsson, 21.10.2010 kl. 19:03]

Það er hætt við því Kristján, ætli menn að standa áfram á bremsunni.

[Axel Jóhann Hallgrímsson, 21.10.2010 kl. 21:56]

Mér þykja kossar betri en tossar.

[Smári (IP-tala skráð) 21.10.2010 kl. 21:59]

Tvö álver í viðbót?  Taka þau ekki svo til öll virkjanleg vatnsföll?  Jafnvel gufuorku líka?  Er það einmitt það sem við viljum?  Ja, maður spyr sig.

[Arnór Baldvinsson, 21.10.2010 kl. 22:28]

Sæll Axel,

Ég vil aðeins benda á að reynslan t.d. frá álverinu á Reyðarfirði (er gamall Reyðfirðingur;) er að megnið af þeim störfum í uppbyggingu sem til falla verða unnin af erlendum verkamönnum, ekki íslenskum.  Að sjálfsögðu falla til skyld störf s.s. þjónusta og verslun o.þ.h. en mér finnst líklegt að uppbygging álvera eða orkuvera verði unnin að lang mestu leyti af erlendu vinnuafli.  Því er takmarkaður atvinnulegur ávinningur af uppbyggingunni sem slíkri. 

Kveðja,

[Hamarinn, 21.10.2010 kl. 22:33]

Það mætti kanski benda þér á að það kom frétt um daginn, sem sagði að nú horfði til betri vegar með álver í Helguvík.

Af hverju horfir til betri vegar nú? Af því að VG eru hættir að þvælast fyrir eins og margir vilja meina? Nei aldeilis ekki, það er vegna þess að skipulagsmál bæjarfélaga á Reykjanesi hafa verið að þvælast fyrir, en nú er kominn einhver botn í þau mál, Þetta ver sagt í fréttinni, svo ekki er VG um að kenna (ÞAKKA)

Ómar Ragnarsson bloggaði um þessa frétt, og þú ættir að lesa það.