Þeirra er mátturinn og dýrðin

Þegar George Clooney eða aðrar Bandarískar hvítatjaldshetjur mæta á átakasvæði eða önnur vandamálasvæði heimsins, hljóta vandamálin að víkja eins og dögg fyrir sólu og allt færast til betri vegar.

Það hvarflar auðvitað ekki að nokkrum manni að Clooney og aðrar Hollý stjörnur séu, í svona tilfellum, að nýta sér eymd annarra til að varpa kastljósi heimsins að sér, þó ekki væri nema eitt andartak.

Clooney í Súdan

Athugasemdir

[Kristján P. Gudmundsson, 9.1.2011 kl. 08:56]

Hvernig getur þú fullyrt, að George Clooney sé að krækja sér í ódýra auglýsingu? Ég tel að jákvæð þátttaka frægra einstaklinga í stórum atburðum geti verið af hinu góða og því sé óþarfi að tortryggja slíka háttsemi fyrirfram?

Kveðja, KPG.

[Axel Jóhann Hallgrímsson, 9.1.2011 kl. 11:11]

Satt segir þú Kristján, það er sjálfsagt erfitt að fullyrða neitt um það, á hvorugan vegin með Clooney í þessu máli. En ef svo væri tilfellið væri hann aðeins sporgöngumaður.

Það er athygglisvert að fólk skuli gangast upp í því að álit Clooney´s sé merkilegra en annarra, fyrir þá sök eina að hann er frægur?

[Ingibjörg Axelma Axelsdóttir, 9.1.2011 kl. 13:21]

Einn mánuðinn fyrir svolitlu síðan, þá stóð ég í smá fjárhagskröggum. Átti þá rétt nóg fyrir reikningum, matur var annað mál.

Ég fór því niður í miðbæ Reykjavíkur þar sem útibúið sem ég sæki er og ætlaði að tala við bankann um að aðstoða mig við endurskoðun á þessum reikningum svo ég ætti nú fyrir mat amk hálfan mánuðinn.

Heyrðu, ég er bara fyrir framan bankann, og þar stendur George Clooney sjálfur! Ég hætti hreinlega bara að vera svöng, borgaði þessa reikninga mína með góðri samvisku og átti í engum vandræðum með að lifa á loftinu það sem eftir var af mánuðinum.

[Axel Jóhann Hallgrímsson, 9.1.2011 kl. 19:32]

Ó, Gvööööð, ætli maður missti ekki vatnið, við að mæta Clooney á götu!