Æpandi þögnin segir meira en mörg orð.

Hún æpir á okkur hin algera þögn á mbl.is um átökin í Sjálfstæðisflokknum í kjölfar yfirlýsingar Bjarna Ben formanns um stuðning  þingflokks Sjálfstæðisflokksins  við  Icesave III.

Oft er hægt að lesa meira út úr þögninni en langlokugreinum, þannig er því einmitt farið að þessu sinni. Ef frá er talin leiðari Moggans í dag þá er þögnin um ástandið í flokknum alger. Núna eltir ekki hver æsingar- og dramafréttin aðra á mbl.is, eins og venjan hefur verið þegar einhver ræskir sig í Vinstri Grænum, upplognar ef ekki vildi betur og allt skrifað á litla nafnlausa heimildarmanninn. 

Það verður fróðlegt að fylgjast með þingmönnum Sjálfstæðisflokksins næstu daga, nú þegar Hádegismóri hefur helt  úr næturgagni sínu yfir formanninn sem boðskap dagsins . Fullvíst er að allir þeir þingmenn sem sátu hjá við síðustu afgreiðslu Icesave munu hugsa sig um tvisvar áður en þeir breyta hjásetunni í stuðning.

En enn skemmtilegra verður að fylgjast með þeim þingmönnum sem greiddu atkvæði með Icesave, hvort þeir standa á sínu eða heykist á viljanum til góðra verka og snúi við blaðinu af eðlislægum ótta sínum við Hádegismóra.

Það væri gaman að vera fluga á vegg í Valhöll á fundi formannsins á morgun þegar hann ætlar að skýra og rökstyðja Icesave kúvendinguna. Fastlega má búast við hressilegum fundi,  mæti Hádegismóri á fundinn og taki glímu við formanninn. Fullvíst er að formaðurinn, líkt og Grettir forðum eftir glímuna við Glám, komi ekki  samur úr þeirri glímu, ef hann „lifir hana þá af“, yfir höfuð.

Athugasemdir

[Kristján Jón Blöndal (IP-tala skráð) 4.2.2011 kl. 20:02]

Góð grein hjá þér,mér skilst að fundurinn á morgun verði opinn.

[Axel Jóhann Hallgrímsson, 4.2.2011 kl. 20:07]

Takk fyrir það Kristján. Það verðu þá kannski smalað á hann Krötum og Vinstri Grænum,  til að færri argir Sjallar komist að.

[Þorsteinn H. Gunnarsson, 4.2.2011 kl. 20:16]

Já þetta er sérstakt ástand á Mbl.is. Það blasir við öllum.

Fréttirnar á síðunni eru svona eins og að koma í réttar þar sem er eintómur úrtíningur.

Agnes er ekki með neinar fréttaskýringar núna.

Hver er réttur okkar bloggara að þurfa að sitja svona auðum höndum og fá engar almennilegar fréttir til að blogga um.

[Axel Jóhann Hallgrímsson, 4.2.2011 kl. 20:24]

Þetta eru slæmir tímar, eins og Karíus sagði við Baktus bróður.

[hilmar jónsson, 4.2.2011 kl. 20:52]

Ætli þögnin sé jafn ærandi á skrifstofu ritstjóra þessa dagana ? Mig grunar ekki..

[Axel Jóhann Hallgrímsson, 4.2.2011 kl. 20:55]

Heldur þú að ritstjórinn reyti hár sitt með hljóðum?

Gengur Davíð aftur?

[hilmar jónsson, 4.2.2011 kl. 21:00]

Særingin er að byrja og þú veist hvernig andsettir taka slíku..

[Axel Jóhann Hallgrímsson, 4.2.2011 kl. 21:17]

Særing......! Já þá hlýtur Jonny boy að vera kallaður til

[hilmar jónsson, 4.2.2011 kl. 21:24]

Ekki hafa honum nú gengið særingarnar fyrir utan alþingi vel Axel..

[Axel Jóhann Hallgrímsson, 4.2.2011 kl. 21:37]

Það er víst hverju orði sannara.

[Aðalsteinn Agnarsson, 4.2.2011 kl. 21:40]

Axel, gaman að lesa þig, þú skrifar um bardagann á morgun,

hálfnað er hafið verk.

[Axel Jóhann Hallgrímsson, 4.2.2011 kl. 21:56]

Takk fyrir innlitið Aðalsteinn

[Sigurbjörn Sveinsson, 4.2.2011 kl. 22:16]

Hann lifir af.

[Axel Jóhann Hallgrímsson, 4.2.2011 kl. 22:21]

Illt væri að sjá hann falla fyrir Hádegismóra, Sigurbjörn, segi það og meina.

[hilmar jónsson, 4.2.2011 kl. 22:45]

Tek undir það.....

[Axel Jóhann Hallgrímsson, 5.2.2011 kl. 00:15]

Bjarni Ben er með þessu ef til vill að gera örvæntingafulla tilraun til að rífa flokkinn upp úr því fari sem flokkurinn var fallinn í, sem einsmáls flokkur. Eina mál flokksins frá síðustu kosningum var í raun andstaða hans við frágang Icesave-málsins, sem þeir höfðu þó áður lofað og sárt við lagt að greiða að fullu.

[Guðmundur Júlíusson, 5.2.2011 kl. 02:31]

Haha, gaman að þessu tvítali ykkar andstæðinga "hádegismóra" eins og þið kallið hann Dabba vin minn þið eigið þessi næstum sextán athugasemdir (sautján með þessari)  alveg út af fyrir ykkur, svo mikill er áhuginn á Davíð karlinum.

[Axel Jóhann Hallgrímsson, 5.2.2011 kl. 03:03]

Takk þá fyrir eitt innlegg í viðbót Guðmundur, stuðningur úr óvæntri átt!

[Þórður Einarsson, 5.2.2011 kl. 03:49]

Mér sýnist að "Hádegismóri"eigi fullt erindi aftur í stjórnmálin,þó ekki væri til annars en skerpa á stjórnarandstöðunni,merkilegt hvað vinstri menn skelfastbara við að heyra nafnið nefnt.

[Axel Jóhann Hallgrímsson, 5.2.2011 kl. 11:50]

Menn hræðast ekki endilega mýs og önnur meindýr þó þeir vilji ekki hafa þau í sínum híbýlum, þó ekki væri nema fyrir sóðaskapinn sem þeim fylgir.

Það er enn allt vaðandi í skít eftir síðasta "músagang", Þórður.