Ameríski draumurinn

Það vantar ekki að Bandaríkjamenn hafi lausnirnar á takteinum til „úrbóta“  á helstu þjóðarskömm og ómenningu þess annars ágæta samfélags.

Það virðist einu gilda hversu hryllilegar og ógnvekjandi fréttir berast af reglubundnum byssubardögum og fjölda- morðum í skólum og víðar, lausn á vandanum er alltaf ein og sú sama, að fjölga byssum í umferð og rýmka heimildir til vopnaburðar.

Það er afar ólíklegt að það hefði bjargað þingkonunni Gabrielle Giffords, nema síður væri,  þótt hún hefði haft byssur í hulstrum á báðum mjöðmum og krosslagt skotbelti yfir brjóstin. Hefði hún náð að rífa upp hólkana, hefði kúlunum „í umferð“ aðeins fjölgað með auknu mannfalli.

Það stefnir allt í það að villta vestrið verði endurvakið með öllum sínum „rómans“.

  

Þingmenn vilja ganga með byssur

Athugasemdir

[Ásdís Sigurðardóttir, 15.3.2011 kl. 11:36]

[Axel Jóhann Hallgrímsson, 15.3.2011 kl. 12:19]

Takk fyrir þetta myndskeið Ásdís.

[Karl (IP-tala skráð) 15.3.2011 kl. 12:38]

Flestir myndu fagna því að fá lágu glæpatíðni villta vestursins aftur.

[Björn Birgisson, 15.3.2011 kl. 13:12]

Segja Kanarnir ekki alltaf að byssur drepi ekki, það geri bara sá sem á vopninu heldur.

[Axel Jóhann Hallgrímsson, 15.3.2011 kl. 13:29]

Lágu glæpatíðni villta vestursins Karl? Ég hlýt að taka þessu sem gríni.

[Axel Jóhann Hallgrímsson, 15.3.2011 kl. 13:45]

Jú Björn,  byssur drepa ekki heldur höndin sem á henni heldur segja kanarnir, en þeir hafa ekki enn áttað sig á að vopnlaus hendi drepur ekki.

[Karl (IP-tala skráð) 15.3.2011 kl. 13:52]

Alls ekki.

Ég mæli með því að lesa frekar sögubækur um villta vestrið en að nota kvikmyndir og teiknimyndablöð sem heimildir. 

Sem dæmi: 

• In Abilene, Ellsworth, Wichita, Dodge City, and Caldwell, for the years from 1870 to 1885, there were only 45 total homicides.  This equates to a rate of approximately 1 murder per 100,000 residents per year.
• In Abilene, supposedly one of the wildest of the cow towns, not a single person was killed in 1869 or 1870.

Sama sagan er með fræg illmenni og skotbardaga sem hafa verið ýkt með tímanum.

Að trúa þessum sögum er eins og að trúa að það hafi verið allt morandi í draugum og skrímslum á Íslandi síðastliðin 1000 ár.

Alveg rétt Björn. Ég veit ekki til þess að nokkur byssa hafi tekið ákvörðun um að drepa nokkuð.

Fólk hefur verið drepið með skrúfjárnum, tannburstum, ríkisstjórnum ofl. Ekki sé ég mikið talað um að banna þá hluti.

Síðast þegar ég athugaði þá var fólk líka drepið áður en skotvopnið var fundið upp. Mannkynið hefði varla náð svo langt ef steinaldarmennirnir hefðu tekið sig saman og bannað eggvopn og kylfur.

[Axel Jóhann Hallgrímsson, 15.3.2011 kl. 14:09]

Karl, hér er talað um morð, manndráp margskonar, hvað þá mannvíg í "sjálfsvörn" voru ekki flokkuð til morða.

[Karl (IP-tala skráð) 15.3.2011 kl. 14:21]

Er mannvíg í sjálfsvörn glæpur eða ósiðlegt?

Var þá mikið að gera í sjálfsvarnarmorðum? Sé ekki hvernig það borgaði sig þá að vera glæpamaður. Ég væri til í að sjá þessar tölur um að fólk hafi verið að drepa hvort annað á fullu löglega. Þetta er allt þjóðsaga.