Jón Valur er manna vísastur....

 ....að koma hér á eftir með sína hefðbundnu klisju, við þessa frétt, að allar skoðanakannanir, sem  ekki sýni klára andstöðu við Icesave samninginn séu ýmist keyptar eða falsaðar.

Svo fylgir hann því úr hlaði með þeim fullyrðingum og ranghugmyndum að skoðanakannanir haturs útvarps þeirra Arnþrúðar Karlsdóttur og Péturs Gunnlaugssonar, sem nefnist Útvarp Saga, séu marktækastar allra kannana. 

Enda má til sannsvegar færa að skoðanakannanir á þeirri útvarpsstöð hafi aldrei brugðist sínum tilgangi.

Mjótt á mununum um Icesave

Athugasemdir

[Jón Valur Jensson, 17.3.2011 kl. 00:34]

Svo að ég segi nú eitthvað sjálfur um þetta – ef mér leyfist að tala fyrir eigin hönd – þá er það mitt mat, að andstaðan gegn Icesave-III-ólögunum hafi aukizt eftir því sem lengur hefur gefizt tími til að skoða hvað í þeim felst, áhættan og afleiðingarnar, og bera það saman við dómstólaleiðina og aðra kosti í stöðunni.

Allt frá desember á liðnu ári hefur ríkisstjórnin haldið uppi mikilli sókn í málinu og fáir í raun til varnar, fyrir utan góða þingmenn, Þjóðarheiður – samtök gegn Icesave og ýmsa einstaklinga, sem í blaðagreinum og bloggskrifum vöktu athygli á hættunni, unz Samstaða þjóðar gegn Icesave (Kjósum.is) kom fram á vettvanginn með glimrandi árangri. Fjórðu samtökin eru nýstofnuð, AdvIce, en þau elztu eru öllum kunn: InDefence-hópurinn. Engin þeirra styðja Icesave-III-frumvarpið.

Gerir þú það Axel minn? Leitt, ef svo er. Aðeins 43% landsbyggðarmanna ætla að styðja þetta frumvarp.

[Jón Valur Jensson, 17.3.2011 kl. 00:37]

Mikið voðalega ertu annars orðljótur um Útvarp Sögu, þjóðarútvarpið.

PS. "þetta frumvarp" í síðustu línu á að vera: "þessi ólög".

[Axel Jóhann Hallgrímsson, 17.3.2011 kl. 00:47]

Þakka þér fyrir innlitið Jón og þín innlegg.  

Hér á síðu er öllum heimilt Jón að tala fyrir sína hönd og bera hönd yfir höfuð sér, öllum er heimillt að tjá sig, ólíkt því sem gerist á öðrum síðum sem við báðir þekkjum.

Þér að segja Jón hef ég ekki enn ákveðið hvað ég geri 9. apríl. Ég er enn að fást við mína samvisku.

Ég vona að ég hafi ekki notað verri orð um Útvarp Sögu en þar eru viðhöfð um aðra. Ef svo er bið ég viðkomandi velvirðingar. 

[Jón Valur Jensson, 17.3.2011 kl. 00:50]

Þakka þér hispurslaust og drengilegt svarið, Axel.

[Jón Logi (IP-tala skráð) 17.3.2011 kl. 08:42]

Þetta eru ansi jafnar tölur. Mín tilfinning er sú, að andstaða hafi vaxið við samninginn, því að í upphafskönnunum var fylgnin við hann mun meiri.

Einnig er það athyglisvert að sjá svart á hvítu tengingu ESB sinna við Jáið og tengingu landsbyggðar við neiið.

Þetta verður spennandi

[doctore (IP-tala skráð) 17.3.2011 kl. 09:44]

Ég veit af nokkrum sem ætla að kjósa með icesave og svo með ESB, bara vegna þess að JVJ er með málið á heilanum, sefur ekki og alles yfir málavöxtum
Sem er skrítið í sjálfu sér þar sem JVJ ætti að telja að málin séu í höndum Gudda geggjaða, og því end þetta allt eins og Guddi vill að það endi.

:P

[Kristján Blöndal (IP-tala skráð) 17.3.2011 kl. 12:51]

Axel,ef það verður raunin að þetta verði greitt,hvað kemur þá næst,það er ástæðulaust að velta þesu mikið fyrir sér,ekki er hægt að treysta því hvað stjórnmálastéttin segir,það hefur sýnt sig,svo það er ekkert annað í stöðunni en að kjósa á móti kúguninni.

[Axel Jóhann Hallgrímsson, 17.3.2011 kl. 13:30]

Það er mikilvægt í öllum áróðri doctore, að ganga ekki það langt að hann fari að vinna gegn markmiði sínu. Jón á eftir að læra það.

[Axel Jóhann Hallgrímsson, 17.3.2011 kl. 13:31]

Ég er sammála þér Jón Logi, að þetta verða hörku spennandi kosningar.

[Axel Jóhann Hallgrímsson, 17.3.2011 kl. 13:39]

Sæll Kristján, ég vill auðvitað ekki borga þetta frekar en aðrir. Tveir kostir eru í boði og báðir slæmir. Þetta er einungis val um annað hvort svipuna eða vöndinn.

Margt bendir til að okkur verði haldið úti í kuldanum í einhver ár, beygjum við okkur ekki undir þessa kúgun.

Ég er ekki búinn að ákveða hvað ég geri á kjördag Kristján, ég óttast að hvort heldur ég velji, muni undan svíða.

[Megi Réttlætið Sigra! (IP-tala skráð) 17.3.2011 kl. 15:36]

Já, þetta eru gleðifréttir að þeim sé að fjölga sem ætla að segja NEI við Icesave og JÁ við RÉTTLÆTIÐ, þeim sem ætla þar með að sýna manndóm og mennsku frekar en skjálfa sem hræddar mýs fyrir óréttlæti glæpamanna. Enn er von í heiminum. Einn helsti frömuður lýðræðisins fyrr og síðar sagði "Þeir sem eru tilbúnir að borga fyrir öryggi með frelsi sínu, eiga hvorugt skilið, og munu missa bæði... Siðan hafa þessi fleygu orð oft verið notuð yfir stuðningsmenn nazistanna, Þjóðverjar völdu á sínum tíma Hitler afþví hann höfðaði til þarfar þeirra fyrir meint "öryggi", og það er eins með þá sem setja já við Icesave. Það er nokkurs konar nazismi að segja já við Icesave. Ekki bara ertu með því að styðja óréttlæti til að reyna að tryggja falskt öryggi, eins og kjósendur Hitlers eða þeir sem borga mafíunni "verndartolla" frekar en berjast gegn henni...og þá grasserar hún bara og verður áhrifameiri og áhrifameiri, heldur erum við með þessu að hjálpa málstað nazismans með að traðka á litaða manninum. Þjóðarskuldir hafa drepið fleiri í heiminum en styrjaldir, sjúkdómar og matarskortur samanlagt síðast liðin ár, afþví þær eru algengasta ástæða þessa þrenns. Haíti er gott dæmi. Þar var nánast jafn ömurlegt um að litast fyrir og eftir náttúruhamfarirnar í þessu áður blómlega landi, afþví nær allar tekjur landins fara í að borga Frökkum gamlar skuldir sem þeir vilja meina þeir eigi, þessir fyrrum kúgarar Haitímanna. Margar aðrar gamlar nýlendur halda fátækustu þjóðum heims í samskonar skuldaánauð og nú herja tvær þeirra á okkur. Ef við gefum undan, þá þýðir það að fleiri börn í Afríku halda áfram að deyja og átakið Make Poverty History sem Bono í U2 stírir (makepoverthistory.org) mun mistakast. Þá skulum við aldrei vera hræsnarar meir. Hver sá sem borgar hjálparstofnun kirkjunnar pening fyrir jól, eða þykist ætla að styrkja eitthvað barnaþorp út í heimi, en x-ar já við Icesaver, er hræsnari og nazisti, því afleiðingar gjörða hans eru skelfilegar fyrir þetta fólk og heildarmyndina hér í heiminum. Þetta skilja allir vitibornir og vellesnir menn, en til er gáfað fólk sem engu að síður getur blekkt sjálft sig og fegrað ástæður sínar, og þorir ekki að horfast í augu við eigin heigulshátt, hræsni og siðleysi. Það er sorglegt. Þú gerir mannkyninu, heiminum og þínum minnstu bræðrum meira gagn með að x-a NEI við Icesave heldur en með að gefa milljónir í hjálparstarf, og milljónir gætu aldrei bætt þann skaða sem þú gerir verr settum börnum en þínum eigin, sem þó munu líka bera byrgði synda þinna og borga fyrir þær, ef þú x-ar já...Horfstu í augu við þetta og taktu svo ákvörðun, góða eða vonda, sem ábyrg manneskja, en ekki sem barnalegur maður á flótta undan eigin ábyrgð, vitandi hversu alvarleg ákvörðun þetta er. "Ég er komin með leið á þessu máli" er ekki gild ástæða. Eigum við þá ekki bara að hætta að flytja fréttir af hörmungunum í Japan og fara bara að horfa á Friends. Til er "leti" sem er bara siðleysi, ómennska og viðbjóður í dulargerfi. Ekki gerast sekur um slíka synd í gerfi leti. Sýndu smá vitrænan og mannlegan metnað og vertu almennileg manneskja!

[Svanur Gísli Þorkelsson, 17.3.2011 kl. 16:25]

• Mér þykir þú MRS draga ansi langsóttar ályktanir í öllu þessu orðaflóði. Fyrir það fyrsta ættir þú að vita að þegar þú blandar Hitler og Nasisma inn í umræðuna, ertu um leið búinn að ónýta hana. Hún verður strax ómarktæk, alla vega fyrir þau 52% þjóðarinnar (ef marka má þessa skoðanakönnun) sem þú óbeint ert að kalla Nasista, jafnvel þótt þú hafir ýmislegt annað til þín máls.

Þegar fólk skortir rök reynir það að höfða til tilfinninga fólks, elsku þess til barna sinna o.s.f.r. Þetta nota bæði já og nei sinnar í icesave deilunni óspart, enda vita þeir sem er, að skoðanir fólks eru ekki endilega myndaðar af beinhörðum staðreyndum.

En að ausa andstæðinga sína fúkyrðum eins og þú gerir í þessari langloku þinni og kalla þá óbeint og óbeint nasista, hræsnara, heigla, siðleysingja, ómenni og viðbjóð, er ekki líklegt til að blíðka þá eða breyta skoðunum þeirra.

[Axel Jóhann Hallgrímsson, 17.3.2011 kl. 16:31]

Gott innlegg Svanur.

[Megi Réttlætið Sigra! (IP-tala skráð) 18.3.2011 kl. 00:17]

Það var enginn að kalla neinn nazista. "Þegar einhver blandar Hitler í málið er það ómarktækt" er merkingarlaus klisja illalesinna og illamenntaðra internetnörda sem komst í tísku hjá einhverjum kvennablaðafroðusnökkurum. Hitler kemur málinu við, sagnfræðingar, stjórnmálafræðingar, félagsfræðingar, listfræðingar, sálfræðingar, allir þurfa að rýna djúpt í öll mál sem tengjast þessum tíma til að geta áttað sig á því hvar við erum stödd í sögulegu samhengi og hvert við stefnum.

Það er tilfinningasemi og heimska að ætla að segja já út af ímynduðum skammtímahagsmunum sinna eigin barna. Að meta hlutina út frá langtímahagsmunum heildarinnar og allra barna jarðarinnar, því við erum öll ein heild nú á tímum, og jafnvel hér áður fyrr var það svo að  "barbararnir" koma alltaf til Rómar fyrr eða síðar, og þá er það orðið of seint, er ekki "tilfinningasemi" það er fyrirhyggja, skynsemi, óeigingirni og sjálfsgangrýni. Því allir geta hlaupið í felur og látið eins og mýs, en hugrakkur maður er sá sem horfist í augu við eigin hræðslu og gerir það sem rétt er en lætur ekki ótta og múgæsingu hafa áhrif á sig.

Ég er ekki að kalla neinn neinum nöfnum að kalla hlutina sínum réttu nöfnum. Allir menn geta verið heiglar og allir menn geta verið hetjur. Heiglar velja ímyndað öryggi, en finna það aldrei. Hetjur velja frelsið, frelsið til að hlusta á eigin samvisku og fylgja henni. Góðar stundir.

[Megi Réttlætið Sigra! (IP-tala skráð) 18.3.2011 kl. 00:23]

Og ég myndi aldrei reyna að breyta skoðunum neins, né heldur blíðka þá. Þú vinnur aðeins vangeflinga með fagurgala og smjaðri, og ég álít landa mína ekki vera vangefna. Aftur á móti álít ég að hér ríki þjóðfélagsleg hnignun og fólk sé latt frá því að fylgja eigin samvisku og hlusta á sjálft sig. Því taki margir heimskulegar ákvarðanir afþví þeir hafa lítið lesið, lítið hugsað, lítið skilið, og skorti sjálfsþekkingu til að vita hvað er raunverulega rétt. Hér þyrfti að byrja að kenna siðfræði í 6 ára bekk. Það er eitthvað mikið að í landi þar sem opinberir ráðamenn segja kinnroðalaust ætla að segja já afþví þeim finnist þetta "leiðinlegt". Já, er ekki best að hætta að birta fréttir af ástandinu í Japan og allir fari bara á gamanleikrit saman? En nei, lífið er víst ekki Kardimommubær og ábyrgð okkar á hvert öðru meiri en svo. Þetta skilur hver maður við dauðans dyr, en of fáir vellta dauðanum fyrir sér á hverjum degi, og læra því að skynja ábyrgð sína á framtíð mannkynsins, því hvert og eitt berum við gríðarlega mikla ábyrgð með öllum okkar ákvörðunum. Það ætti enginn maður að kjósa neitt sem síðan truflar drauma hans, og flestir sem x-a við já eru að svæfa eigin samvisku fyrir tískubólur, jafnvel þó Bjarni Ben sé orðinn ákafasti stuðningsmaður Icesave, komast þeir bara ekki út úr hjarðeðlinu og flokkshundamennskunni sem einkennir slík hópmenni í öllum flokkum.

[Axel Jóhann Hallgrímsson, 18.3.2011 kl. 02:19]

Já, einmitt "MRS" hvenær telur þú þessa heimsmynd þína upprenna?

[Magnús Sigurðsson, 18.3.2011 kl. 09:20]

Axel, þessi heimsmynd MSR er runnin upp, það er svo merkilegt að það þarf bara einn til og um leið og við ákveðum að breyta sjálfum okkur til þess sem viljum sjá í heiminum þá rennur hún líka upp fyrir okkur.