Marklaus undirskriftasöfnun?

Þegar farið er inn á undirskriftasöfnunina  börn.is þá er beðið um nafn, kennitölu, tölvupóstfang og póstnúmer.

A.h!, hugsaði ég með mér, úr því beðið er um póstnúmer þá er meiningin að útiloka að fólk utan Reykjavíkur taki þátt í þessari undirskriftasöfnun!

Ég ákvað samt að prufa, fyllti út fullt nafn og rétta kennitölu að sjálfsögðu, ásamt póstnúmerinu 240 í Grindavík,  ýtti á enter og viti menn þetta rann í gegn.

Ég er þar með bókaður sem fullgilt foreldri í Reykjavík, æfur út í áætlanir borgarstjórnarinnar til sparnaðar í rekstri.

Ég fer þess á leit að síðan fjarlægi nafn mitt af henni og vandi vinnubrögðin.

Því má bæta við að þó söfnunaraðilar muni þurrka út öll póstnúmer utan Reykjavíkur, telji þeir þau ekki einfaldlega góðra gjalda verð,  má með þessu forriti hanna nánast hvaða nafn sem er með „réttri kennitölu“  við hvaða póstnúmer í Reykjavík sem verkast kann.

Spurningin er, verður listinn sannreyndur?  

 

 

719 undirskriftir komnar

Athugasemdir

[TómasHa, 20.3.2011 kl. 18:01]

Það eru nú engir galdrar þegar kemur að kt. Auðvitað er hægta að búa til hvaða kenntilölu sem er og hefur alltaf verið hægt. Þótt einhverjum hafi tekist að finna þetta núna, þá er vartölupróf í slíkum könnunum fyrst og fremst til þess að aðstoða þann sem slær inn og koma í veg fyrir að viðkomandi slái óvart inn ranga kt.

Síðan þarf að bera þetta saman við þjóðskrá. Ég veit ekki betur en allar undirskriftarsafnanir sem hafi viljað taka sig alvarlega hafi gert það.

Varðandi búsetu, þá veit ég nú ekki til þess að mönnum utan Íslands hafi verið meina að skrifa undir hana. Átti að banna þeim það vegna þess að þeir "greiða ekki af" skuldinni?

[TómasHa, 20.3.2011 kl. 18:08]

Þetta seinasta átti að vera:

Varðandi búsetu, þá veit ég nú ekki til þess að mönnum utan Íslands hafi verið meinað að skrifa undir Icesave undirskriftarsöfnunina.

[Arnar (IP-tala skráð) 20.3.2011 kl. 18:51]

Hvers vegna mættir þú ekki mótmæla þessum breytingum sem verið er að gera?
Þetta snertir örugglega einhverja sem eru þér tengdir.

og eins og Tómas bendir á þá er alltaf hægt að búa til kennitölur.
fyrir svona undirskriftarlista.

Tel þetta bara jafnmarkttækt eins og hvað annað(þetta verður sannreynt)

[Axel Jóhann Hallgrímsson, 20.3.2011 kl. 18:59]

Þú skýtur sjálfan þig í kaf Tómas Ha þegar þú segir:

"....þá er vartölupróf í slíkum könnunum fyrst og fremst til þess að aðstoða þann sem slær inn og koma í veg fyrir að viðkomandi slái óvart inn ranga kt."

Kerfið er til að hindra notkun rangra kennitalna, ekki til varnar innsláttarvillum, kerfið treystir því eingaldlega að sleppi kennitalan í gegn sé hún rétt!

[Axel Jóhann Hallgrímsson, 20.3.2011 kl. 19:06]

"Varðandi búsetu, þá veit ég nú ekki til þess að mönnum utan Íslands hafi verið meinað að skrifa undir Icesave undirskriftarsöfnunina"

Þeir sem ekki hafa lögheimili á Íslandi og eru ekki á kjörskrá hérálandi hafa nákvæmlega ekkert um Icesave að segja.

Er ekki lágmarks krafa að þeir einir sem eiga sitt undir Reykjavíkurborg, eiga þar lögheimili hafi eitthvað um þetta að segja. Ég sem íbúi í Grindavík, get auðvitað haft á þessu skoðun, en fráleitt er að ég hafi atkvæðis rétt í málinu.

[TómasHa, 20.3.2011 kl. 19:17]

Nei, Alex þú virðist alls ekki skilja vartölur. Það er ekki ég sem er að skjóta mig í kaf heldur þú. Vartölur eru á engan hátt ætlað að sannreyna að kennitala sé rétt, til þess þarf að bera hana saman við þjóðskrá. Það er eina leiðin.

Hliðaráhrif eru svo þau að menn geta ekki bara slegið inn einhverja tölu út í loftið, menn þurfa sem sagt að hafa fyrir því að reikna út töluna.

Það er hins vegar engin snilld eða eitthvað afrek að reikna út vartölu. Grunnskólabarn (ef Gnarrinn eyðileggur nú ekki endnanlega kennsluna) getur reiknað út vartöluna. Það þarf ekkert að fina eitthvað forrit á netinu til þess. Þú kannski leitar að þessu og dundar þér við að reikna þetta, svona áður en þú talar um að aðrir séu að skjóta sig í fótinn.

[JR (IP-tala skráð) 20.3.2011 kl. 22:30]

Eina sem mig langar að segja við Tómas er þetta, það er alveg sama hvaða vitleysu sjálfstæðisflokkurinn fer af stað með , þú reynir að verja það fram í rauðan dauðan !

Undirskriftasöfnun þessi er eign sjálfstæðisflokksins, eins og öll skemmdarverk sem unnin hafa verið í gegnum áratugina í þessu þjóðfélagi !!

[Arnar (IP-tala skráð) 21.3.2011 kl. 00:17]

Hvaða bull er þetta í JR...

Eign sjálfstæðisflokksins?

ég var nú á fundi hjá foreldrum barna í Hólabrekkuskóla og þar var þetta nefnt að gera þessa undirskriftarsöfnun.

Þetta er bara heimsk og illa ígrunduð ákvörðun að gera þetta.
Þjónar engum tilgangi nema róta til í lífi barna minna.

Taktu þennan sjálfstæðisflokk og troddu honum upp í æðri endan á þér!!!

Alex, þó þú sért íbúi í Grindavík þá hefur þú alveg skoðun á þessu, þetta er undirskriftarsöfnun en ekki kosning!!!

[Axel Jóhann Hallgrímsson, 21.3.2011 kl. 00:54]

Hvaða Alex eruð þið að tala um. 

Undirskriftasöfnun er þetta, satt er það Arnar, engin hefur haldið öðru fram, en þarf hún ekki að vera marktæk!

Hvaða hávaði er þetta elsku karlinn, af hverju þessi talsmáti, á hvaða opnu und var þrýst?

[Axel Jóhann Hallgrímsson, 21.3.2011 kl. 09:47]

Ég fékk eftirfarandi póst í gærkveldi í sambandi við færsluna 

Sendandi:	[e-mail]
Efni:	Skráning fjarlægð
Dagur:	Sun, 20 Mar 2011 23:08:28 +0000
Til:	[e-mail]

 

Skráning þín hefur verið fjarlægð úr grunninum.

Þér er velkomið að skrá þig aftur ef þér snýst hugur - óháð búsetu,
enda er þetta undirskriftalisti en ekki lögbundin kosning og öllum opinn.

Kveðja,
Svenni

--------

Takk fyrir það.

Samkvæmt þessu, er öllum, þó þeir búi ekki í Reykjavík, velkomið að skrifa undir þessa kröfu á hendur Borgarstjórnar Reykjavíkur og jafnvel ætlast til þess. Ég tel að íbúar annarra sveitarfélaga hafi hæpið lagalegan og pottþétt ekki siðferðislegan rétt til íhlutast um sveitastjórnarmál Reykjavíkur, frekar en Færeyingar, Frakkar, Svíar eða Sómalar gátu skrifað undir áskorunina til forsetans að hafna Icesave III.