Stuðningur Lilju og Atla við ríkisstjórnina eykst!

Tvíeykið Lilja og Atli hafa sagt sig formlega úr þingflokki VG, þingflokki sem þau hafa verið í virkri andstöðu við  og ríkisstjórnina sem var mynduð með þeirra samþykki.

Rétt eins og Pílatus þvoði hendur síar forðum þá kannast Lilja og Atli ekki lengur við aðild sína að  stjórnarsáttmálanum,  sem þingflokkur VG samþykkti í fagnaðarvímu yfir myndun fyrst hreinu vinstristjórnarinnar á Íslandi.

Atli segist maður málamiðlana, svona  er hans málamiðlun. Lilja tilgreindi, sem eina af ástæðum úrsagnar að ríkisstjórninni hefði mistekist að koma á kynjaðri hagstjórn á Íslandi!

Lilja og Atli sögðu bæði að sterklega hefði komið til greina að segja af sér þingmennsku, en þar sem þau ættu svo brýnt erindi á Alþingi þá hefði það ekki verið valkostur.

Þau ætla framvegis að styðja ríkisstjórnina í góðum málum, þannig að stuðningur þeirra við ríkisstjórnina hefur aukist eftir úrsögnina, ef eitthvað er. Hvort það er fagnaðarefni er önnur saga.

  

Ætla ekki að styðja stjórnina

Athugasemdir

[Ásdís Sigurðardóttir, 21.3.2011 kl. 12:03]

Sjónarmið :)

[Völvan (IP-tala skráð) 21.3.2011 kl. 12:10]

Þessi ríkisstjórn heigla og hræsnara sem ættu aldrei að fara með nein völd er að líða undir lok. Þjóðin er að vitkast og fer að kjósa fólk meira í samræmi við nýtt þroskastig sitt. Lilja Mósesdóttir verður forsætisráðherra Nýja Íslands.

[Axel Jóhann Hallgrímsson, 21.3.2011 kl. 12:17]

Nafnleysingjar á blogginu ættu ekki að saka aðra um heigulskap.