Vegurinn til framtíðar

Atla Gíslasyni urðu á mistök á blaðamannafundi þeirra Lilju, þegar hann sló sjálfan sig til riddara með dramatískri yfirlýsingu að hann hefði vandlega íhugað að segja jafnframt af sér þingmennsku og það væri álitlegur kostur. Í  kjölfar þeirrar yfirlýsingu Atla komu svo áskoranir frá svæðafélögum VG í Suðurkjördæmi um að hann gerði einmitt það.

Ásakanir Atla um að forysta VG hafi pantað áskoranir svæða- félagana er stórundarleg en samt rökrétt framhald á fyrri mistökum hans. Ljóst má vera að Atli ætlar ekki að leita sátta og auka samlyndi innan VG í bráð, hafi hann val um annað.

Atli er með þessum ásökunum klárlega að reyna að réttlæta þá ákvörðun sína að víkja ekki af þingi, ákvörðun sem hann hafði örugglega tekið áður en hann yfirgaf þingflokk VG og boðaði blaðamenn á sinn fund.

Segir forystu VG hafa beðið um áskoranir

Athugasemdir

[Björn Birgisson, 23.3.2011 kl. 15:57]

Karlinn er kominn í þokkalega klípu!

[Axel Jóhann Hallgrímsson, 23.3.2011 kl. 17:13]

Það verður fróðlegt að fylgjast með veðurfarinu í kringum þau hjúin næstu vikurnar. Ég spái kólnandi veðri.