Að vera öðrum fyrirmynd

Væri ekki hollara fyrir Bandaríki Norður Ameríku að yrkja sinn mannréttindagarð áður en þau æða fram til að kenna öðrum ríkjum hvernig þau eigi að framkvæma mannréttindi á sínum heimareitum?

Hvernig samrýmist það t.d. alþjóðamannréttindum að 10 ára börn séu dæmd sem fullornir, eins og tíðkast í sumum ríkjum Bandaríkjanna?

Væri ekki hollara fyrir stjórnvöld í Votatúni, að stinga fyrst á kýlin á eigin holdi í  stað þess að einblína stöðugt á annarra kýli?

14 ára fékk lífstíðardóm

Athugasemdir

[assa (IP-tala skráð) 21.5.2011 kl. 09:46]

Skv. þessu eru komin 13 ár síðan glæpurinn var framinn! Vissulega þykir mér 14 ára frelsisskerðing ekki of mikil refsing fyrir svona hræðilegan glæp en auðvitað hefði átt að taka drenginn úr umferð strax. Senda hann á einhvern betrunarstað því hvort sem svona einstaklingur er 14 ára eða eldri þá er hann stórhættulegur umhverfi sínu. Vissulega má deila um af hverju börn gera svona hluti en það breytir ekki þeirri staðreynd að ekki er forsvaranlegt að hafa þau laus innan um önnur börn eða annað fólk.

[Viddi (IP-tala skráð) 21.5.2011 kl. 20:15]

Sammála síðasta ræðumanni.  Það er ekki sanngjarnt gagvnart fórnarlambinu og fjölskyldu þess að horft sé framhjá broti sem þessu (eða hvaða broti sem er) sökum aldurs.  Refsing snýst ekki síst um það að vernda umhverfið fyrir brotamanninum. Þessi drengur er óargadýr sem á ekki að ganga laust.  Lífstíðarfangelsi er alls ekki of mikið. Það á að halda honum föngum þangað til hann getur sýnt fram á að hann sé ekki hættulegur lengur, þá til æviloka ef þess þarf.