Svo lengi má mistökin endurtaka, að lánist

Siglingastofnun er mögnuð stofnun og merkileg.  Þeir hafa hannað grjótgarð við Vík í Mýrdal til að draga að sér sand til að stöðva landbrot og jafnvel snúa því við.

Það er í sjálfu sér ekkert merkilegt nema fyrir þá sök, að sömu hönnun notaði  stofnunin aðeins vestar á ströndinni en ætlaði henni þar algerlega gagnstæða verkan.

Grjótgarðarnir   á Landeyjasandi áttu ekki að draga að sér sand og fanga hann heldur þvert á móti hrinda honum frá og mynda sandlausa vin í suðurstrandareyðimörkinni.

Reynslan af Landeyjasandföngurunum bendir til þess að grjótgarður Siglingastofnunar í Vik sé líklegri en hinir til að virka eins og til er ætlast.

Sandfangari í Vík

Athugasemdir

[Sumarliði Einar Daðason, 13.6.2011 kl. 22:23]

Það sorglega við þennan pistil hjá þér er að hann er sannur og Siglingastofnun er rekin fyrir opinbert fé og enginn ber ábyrgð á einu eða neinu.

[Axel Jóhann Hallgrímsson, 14.6.2011 kl. 16:15]

Það er rétt hjá þér Sumarliði, enginn ber ábyrgð og þá síst þeir sem borgað er fyrir að bera hana.