Hvar er næsta skjól að finna?

Af fréttinni má ráða að áhöfn geimstöðvarinnar  hafi í ofboði forðað sér frá borði. Hvert fór áhöfn alþjóðlegu geimstöðvarinnar þegar hún flúði stöðina?

Hlupu þeir kannski í skjól bak við næsta klett eða leituðu þeir athvarfs í næsta helli meðan ruslið fór hjá?

Flótti frá geimstöðinni hefur auðvitað, eðli máls samkvæmt, ekki verið valkostur, heldur hafa menn rýmt þann hluta stöðvarinnar sem var í mestri hættu og fært sig yfir í öruggari hluta hennar.  

Svo er ekki orð um það í fréttinni hvort skemmdir hafi orðið á stöðinni og áhöfnin, er hún enn í felum?

Er ekki gerð sú krafa á mbl.is að blaðamenn skilji sjálfir það sem þeir skrifa?

 

 

Geimstöð rýmd vegna hættu á árekstri

Athugasemdir

[Jón Grétar (IP-tala skráð) 28.6.2011 kl. 13:51]

Þeir fóru í Soyuz geimflaugina sem er þarna fest við akkúrat fyrir svona tilfelli.

http://www.universetoday.com/87114/space-junk-forces-iss-crew-to-takes-shelter-in-soyuz/

[Guðmundur Ásgeirsson, 28.6.2011 kl. 14:06]

Þetta var það sama og ég hugsaði.

Hvernig rýmir maður EINU geimstöðina á braut um jörðu?

[Friðrik Friðriksson, 28.6.2011 kl. 14:33]

"Hlupu þeir kannski í skjól bak við næsta klett eða leituðu þeir athvarfs í næsta helli meðan ruslið fór hjá"

HA HA HA...LOL:)

[Axel Jóhann Hallgrímsson, 28.6.2011 kl. 14:38]

Nákvæmlega, enda flúðu þeir ekki stöðina, heldur leituðu skjóls í Soyuz farinu, sem er auðvitað hluti af stöðinni meðan það er tengt við hana.

Þeir yfirgáfu aldrei stöðina. Þetta var aðeins til öryggis, en ekki neyðartilvik, sem slíkt.

[Jón Logi (IP-tala skráð) 28.6.2011 kl. 15:17]

Verður ekki að láta þá hafa laser, og brynverja stöðina líka. Og svo nokkur flugskeyti....