Aðeins hálfur sannleikurinn

Áhrifarík en jafnframt átakanleg er hún myndin af Obama forseta, með konu sína og Bush að baki sér, skoða minnisvarðann um fórnarlömb þessa voðaverks.

Myndin endurspeglar í senn það besta og það versta í mannskepnunni.

En þetta er aðeins hálf myndin, hálfur sannleikurinn. Á myndina vantar að baki þeirra minnisvarðann um alla þá sem hafa fyrir litlar eða engar sakir fallið fyrir vopnum Bandaríkjamanna um allan heim síðustu áratugina.

Á þeim minnisvarða væru nöfn manna, kvenna og barna sem myrt hafa verið með sprengjum þeirra og fallbyssum  í þágu pólitískra og efnahagslegra hagsmuna Bandaríkjanna,  en framkvæmt í nafni friðar og mannúðar.

Sex þagnarstundir í dag

Athugasemdir

[hilmar jónsson, 11.9.2011 kl. 14:12]

Svo satt og rétt Axel....

[Ásdís Sigurðardóttir, 11.9.2011 kl. 17:25]

Þetta hugsaði ég einmitt þegar ég horfði á erlendar fréttastöðvar í dag.

[Hallgrímur Þór Axelsson (IP-tala skráð) 12.9.2011 kl. 20:57]

Rétt það. Sennilega munu Þeir mjólka þetta um ókomna tíð til þess að réttlæta alla þá hernaðarleiðangra sem þeir hafa áformað.

[Axel Jóhann Hallgrímsson, 13.9.2011 kl. 11:32]

Þetta er orðið eins og á Sturlungaöldinni á Íslandi. Einhver var drepinn og síðan fylgdu í kjölfarið hefndardráp á víxl milli ætta á meðan menn höfðu þrek til.

[Hallgrímur Þór Axelsson (IP-tala skráð) 13.9.2011 kl. 14:13]

Stríðsrekstur er það sem þeir lifa fyrir, eða það er það sem þeir hafa sýnt í gegnum árin og ekki eru þeir hræddir við að nota "auga fyrir auga" þegar það snýr að örðum en þeim sjálfum. Þeir munu gera allt til þess að geta haldið áfram þessum sandkassaleik.