Rís þú unga Rússlands merki

Þessi embættis velta er einkar hagkvæmt fyrirkomulag hjá þeim Pútín og Medvedev , bráðsnjöll hugmynd og til fyrirmyndar

Þeir eru báðir einlægir lýðræðissinnar, og mega því ekki til þess hugsa að brjóta stjórnarskrá Rússlands. Því ætla þeir að skiptast á um að gegna embættum forseta og forsætisráðherra , svo lengi sem báðir lifa.

Til að fylla formið verða að sjálfsögðu reglulega haldnar viðeigandi „kosningar“ með for- prentuðum atkvæðum að sjálfsögðu til að flækja málin ekki um of.

Þannig og aðeins þannig verður hægt að tryggja framgang lýðræðisins í hinu unga Rússlandi, um ókomna tíð.  

Stalín og Brezhnev hvað?

Fögnuðu framboði Pútíns

Athugasemdir

[hilmar jónsson, 24.9.2011 kl. 22:14]

Mafía hvað...

[Óskar Helgi Helgason (IP-tala skráð) 24.9.2011 kl. 22:27]

Heill og sæll Axel Jóhann - sem og, aðrir gestir, þínir !

Ég hygg; Axel minn, að ekki borgi sig neitt sérstaklega, að horfa á málin, út frá Vestrænum lýðræðis gildum, svo kölluðum; þér að segja.

Allt; frá tímum Vojvodanna (Hersanna); austur í Garðaríki - sem víðar þar um slóðir, frá 8. og 9. öldum að minnsta kosti, hafa bræður mínir, hinir ágætu Rússar ekkert þekkt til, hins Aþenska lýðræðis - hvað þá Rómversks, eða annars staðar, út í frá.

Þannig að; við skulum vera alveg slakir Axel minn, og sjá, hverju fram vindur, þar eystra, ágæti drengur.

Með beztu kveðjum - sem jafnan /

Óskar Helgi Helgason