Ritstuldur?

Bloggarinn og Guðsmaðurinn Jón Valur Jensson lýsir sjálfum sér sem princípmanni.  Hann hefur mjög ákveðnar skoðanir hvernig öðrum beri að umgangast bloggið hans og hans skrif.  Hann vísar til höfundarréttar  og leggur bann við notkun efnis af bloggi hans án leyfis.

Ekkert óeðlilegt við þetta hjá cand theol manninum enda besta mál og sjálfsagðir mannasiðir, nema hvað hann fer ekki eftir því sjálfur. Svo virðist sem hann sé einn þeirra manna sem setja öðrum reglurnar en áskilja sjálfum sér allan rétt.

Ég sá á bloggi hans áðan hvar hann hafði hnýtt við færslu skoðanakönnun sem hann hafði afritað beint af mínu bloggi og endurbirt á sínu bloggi (copy paste) án þess að geta rétthafa eða heimildar,  nema skýringin  „Einn moggabloggari (vinstri maður)“  teljist fullnægjandi heimildaskráning.  

Ég reyndi að gera athugasemd við þetta hátterni Jóns, við færsluna, en þá kom upp eins og ég reyndar reiknaði með.

Bæta við athugasemd

[Innskráning] Eftirfarandi villur komu upp:

• Þér er ekki heimilt að skrá athugasemdir

Þar sem JVJ er sannkristinn og hefur gert orð og kennisetningar Krists að sínum, þarf ekki að efast um viðbrögð hans við þessari athugasemd sem ég varð að birta hér á mínu bloggi af fyrrgreindum ástæðum. 

"PS. Einn Moggabloggari (vinstri maður) er með könnun á þessu máli:

SKOÐANAKÖNNUN

Ætlar þú að samþykkja eða hafna stjórnarskrárfrumvarpinu í þjóðaratkvæðagreiðslu?

Samþykkja það 25.8%

Hafna því 57.9%

Ég læt útvarp Sögu ákveða það fyrir mig 16.3%

252 hafa svarað 

 

Athugasemdir

[hilmar jónsson, 5.10.2011 kl. 23:17]

Hehe..þarna þekkir maður guðsmanninn..

[Óskar Helgi Helgason (IP-tala skráð) 5.10.2011 kl. 23:35]

Heill og sæll Axel Jóhann; æfinlega - sem og aðrir gestir, þínir !

Axel Jóhann og Hilmar !

O; jú. Ég kannast við handverk pilts, að nokkru.

Þarna sjáið þið bara; hversu Pápískan (Rómversk- Kaþólskan), getur afvegaleitt, hið bezta fólk.

Mér þykir miður; hversu komið er fyrir Jóni Val, hugmyndafræðilega - því; ekki er hann ódrengur, að upplagi - né uppruna, svo sem.

Hann hefir rofið; öll sín tengsl við mig, síðan við lentum upp á kant, Síð sumars, en þó er hann inni á spjallvinalista mínum, hvar; ég vildi sýna honum þá kurteisi, að afnema sig sjálfan - eftir tæpra 40 ára góða viðkynningu, okkar.

Já; það er ekki allt sem sýnist - eins og Galdra- Imba (17. -18. öldum) kvað forðum, Axel og Hilmar.

Með beztu kveðjum; sem áður - og fyrri /

Óskar Helgi Helgason 

[Sæmundur Bjarnason, 5.10.2011 kl. 23:36]

Mér finnst þetta nokkuð fyndið, en er svotil alveg hættur að lesa bloggin hans. Einu sinni var ég bloggvinur hans en hann kippti því í burtu ef ég man rétt. Ég er nefnilega ekki rétthugsandi að hans mati.

[Axel Jóhann Hallgrímsson, 5.10.2011 kl. 23:46]

Takk fyrir innlitin kæru vinir.

JVJ virðist eiga erfitt að fóta sig í öllu reglu og skilyrðafarganinu sem hann hefur byggt sjálfum sér til varnar. En almennir mannasiðir eiga ekki að vera fullorðnu fókli neitt vandamál.

Það er illt ef áratugavinskapur þolir ekki smá karp á bloggvellinum Óskar.

[Ásthildur Cesil Þórðardóttir, 6.10.2011 kl. 09:04]

Já hann henti mér líka út sá ágæti maður.  En það er eiginlega hans vandamál ekki mitt.  Sama er um Eið Guðnason, hann lokaði á mig þegar ég benti honum vinsamlega á eitthvað sem hafði misfarist hjá honum.  Hann er endalaust að segja öðrum til og setja út á, en er manna verstur sjálfur.  Svona fólk er eiginlega ekki nógu þroskað til að umgangast aðra á svona vettvangi að mínu mati.  Enda best að láta það sem mest eiga sig.  Þetta gerðist líka tímabundið hjá Illuga Jökulssyni, svo það eru nokkrar kempur hér sem ekki þola að fá það sama til sín og þeir rétta öðrum.

[DoctorE (IP-tala skráð) 6.10.2011 kl. 10:21]

Ykkur að segja, þá held ég að aðeins vanvitar lesi bloggið hans JVJ.

Það er púra skömm að setja inn athugasemdir á blogginu hans, vitandi það að JVJ þurrkar allt út sem hann er ekki sammála;

Aðeins ruglukollar taka þátt í slíkri vitleysu.

P.S. Ég veit um nokkra sem ætla að segja Já við ESB, bara til að pirra JVJ :)

[Axel Jóhann Hallgrímsson, 6.10.2011 kl. 12:57]

Þeir sem ekki þola opna umræðu nema hún sé á þeirra forsendum og fyrirsögn, ættu að láta hana eiga sig.

Þeir sem eru tilbúnir að gera eitthvað gegn sannfæringu sinni, hvort heldur það er að segja já eða nei við ESB eða eitthvað annað, til þess eins að pirra JVJ eiga meira sameiginlegt með honum en þeir halda.

[Sæmundur Bjarnason, 6.10.2011 kl. 18:21]

Rétt, Axel Jóhann. Aðild eða ekki að Evrópusambandinu er miklu mikilvægara mál en einhver hugsanlegur pirringur í einum manni!! 

[Óskar Helgi Helgason (IP-tala skráð) 6.10.2011 kl. 20:06]

Komið þið sæl; á ný !

Axel Jóhann !

Ekki; ekki fara að spilla fyrir okkur, tiltölulega fallegu Haustkvöldi - með því að fara að nefna, eða lofsyngja nýlenduvelda ribbalda bandalagið, suður á Brussel völlum, í hinni ört; morknandi Evrópu, ágæti drengur.

Glæstari er; framtíð okkar Heimsálfu - Norður- Ameríku, sem og hinnar víðáttumestu; Asíu, sé miðað við mesta hrákadall sögunnar, sem Evrópa reynist vera, við nánari skoðun, Skagstrendingur knái.

Með; ekki lakari kveðjum - en þeim fyrri /

Óskar Helgi Helgason

e.s. Kvíðið öngvu; gott fólk. Ég mun ekki loka á IP tölur ykkar, þó þið séuð ekkert endilega sammála mér, í þessum efnum    

[Axel Jóhann Hallgrímsson, 6.10.2011 kl. 20:37]

Ég var ekki að því Óskar svaraði aðeins P.S-inu hjá DoctorE og ég tel mig hafa gætt fyllsta hlutleysis, að vanda.

[Óskar Helgi Helgason (IP-tala skráð) 6.10.2011 kl. 20:45]

Þakka þér fyrir; einarðleg svör - sem endranær. Höfuð kostur þinn; að þú ferð ekkert í kringum hlutina - eins og Kötturinn, kringum grautinn, fornvinur góður.

Nýjasta afrek; viðbjóðslegu íslenzku valdastéttarinnar : MP Banki ''lán aði'' Eyri Invest, 500 Milljónir króna - gegn veði, í hlutabréfum.

Það er; lag á Læk, sem oftar, hérlendis.

Getur nokkur; Tonga menn / Laos menn eða Færeyingar, fremur en aðrir, komið nokkru viti, fyrir forar vilpu Íslendinga, Axel minn, úr þessu ?

ÓHH